मरकुस 9:23 - नुवो नेम (मेवड़ी नया नियम)

²³ ईसू वाँने क्यो, “थाँकाणी अस्यान काँ केरिया हो, ‘थाँ कर सको हो तो करो।’ विस्वास करबावाळा मनक के वाते हारोई वे सके हे।”

मरकुस 9:23 Iomraidhean Croise

मत्ती 14:29

ईसू क्यो, “आव!” तद्याँ पतरस नाव पूँ उतरन ईसू का नके जाबा ने पाणी पे चाळबा लागो।

मत्ती 17:20

ईसू वाँने क्यो, “थाँका कम विस्वास की वजेऊँ। मूँ थाँकाऊँ हाचेई केवूँ हूँ, यद्याँ थाँको विस्वास हरूँ का दाणा का जतरोक भी वेतो, तो ईं मंगराऊँ केता के, ‘अटूऊँ हरकन वटे जातो रे, तो वो जातो रेई।’ कुई बात थाँका वाते अबकी ने वेई।

मरकुस 11:23

मूँ थाँने हाँची केऊँ हूँ, जदी कुई मंगरा ने ओ केवे के, ‘थूँ अटूँ उखड़न समन्द में जान पड़जा’ अन वींका मन में कस्यो भेंम ने वे अन परमेसर पे विस्वास राके, तो जस्यान वो केवे वस्यानीस वे जाई अन वींका वाते वस्योई वे जाई।

मरकुस 9:22

“हुगली आत्मा ईंने कई दाण मारबा वाते कदी तो वादी में फेंक दे अन कदी पाणी में। यद्याँ, थूँ कर सके, तो माकाँ पे बाळ करन भलो कर।”

मरकुस 9:24

तो फटाकऊँ बाळक का बापू जोरू बोल्यो, “मूँ विस्वास करूँ हूँ, पण वो पाको ने हे। ईं वाते मारा पाको विस्वास करबा में मदत कर दे।”

लूका 17:6

तद्याँ परबू क्यो, “यद्याँ थाँकामें हरूँ का दाणा के जतरोक भी विस्वास वेतो, तो थाँ ईं हेतूत का रूँकड़ाऊँ केता के, ‘जड़ हमेत उखड़न समन्द में लागी जा’, तो वो थाँकी बात मान लेतो।”

यहुन्ना 11:40

ईसू वींने क्यो, “कई में थने ने क्यो हो के, यद्याँ थूँ विस्वास करी, तो परमेसर की मेमा ने देकी?”

थरप्या तका का काम 14:9

वो मनक पोलुस ने बाताँ करतो तको हुणरियो हो, पोलुस वींका आड़ी देक्यो अन होच्यो के, ईंमें हव वेबा को विस्वास हे।

इब्रानियों 11:6

काँके विस्वास के बना परमेसर ने राजी ने किदा जा सके हे अन जद्याँ कुई परबू का नके आवे हे, तो वींने विस्वास करणो छावे के, वो हे, अन ज्यो वींने होदे हे, वो वींने फळ देवे हे।