मरकुस 4:20 - नुवो नेम (मेवड़ी नया नियम)

²⁰ अन कुई मनक तो हव गारा का जस्यान हे जटे बीज बोयो जावे हे, वीं सन्देसा ने हुणे अन मन में उतारे, ईं वाते वीं फळ लावे, ज्यो कटे तीस गुणा, कटे हाठ गुणा अन कटे हो गुणाऊँ भी हेला फळ लावे।”

मरकुस 4:20 Iomraidhean Croise

मत्ती 13:23

ज्यो बीज हव जगाँ में बोयो ग्या वीं खुब फळ लाया वीं वणा मनकाँ का जस्यान हे ज्यो हो गुणा, हाठ गुणा, अन कटे तीस गुणा फळ लावे।”

मत्ती 13:8

पण थोड़ाक हव जमीं पे पड़या, अन हेली हाँक पेदा किदी, कटे हो गुणी, हाठ गुणी, अन कटे तीस गुणी हाँक।”

मरकुस 4:8

पण, थोड़ाक बीज हव जमीं पे पड़ग्या, तो वीं उगन हव मोटा व्या अन हव अन्न पेदा व्यो, जणीऊँ तीस गुणी, हाठ गुणी अन हो गुणी हेली हाक वी।”

लूका 8:15

पण हव जगाँ वाया तका बीज वी मनक का जस्यान हे, जी बचन हुणे वी आपणाँ हव अन हाँचा मन में हमाळी राके अन हमेस्यान वींके जस्यानीस चालन वी हव फळ लावे हे।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 15:2

ज्याँ डाळी मारा में हे अन फळ ने लावे हे, वो वींने काट नाके हे अन ज्या फळ देवे हे, वींने वो छांगे हे, ताँके वाँ साप वे सके अन ओरी फळ लावे।

रोमियों 7:4

हो मारा भायाँ हुणो, मसी की देहऊँ थाँ भी मूसा का नेमा का वाते मरग्या हो। तो अबे थाँ कणी दूजाऊँ जुड़ सको हो, वणीऊँ जिंने मरिया तकाऊँ पाछो जीवतो किदो हे। जणीऊँ आपाँ परमेसर का वाते फला फूला।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

2 पतरस 1:8

काँके यद्याँ थाँकामें ईं हारी बाताँ रेई अन थाँ अणा बाताँ में बड़ता रेवो, तो परबू ईसू मसी के ओळकाण में ईं थाँने बेकार ने वेबा देई।