मरकुस 4:17 - नुवो नेम (मेवड़ी नया नियम)

¹⁷ पण, वो सन्देसो वाँका मन में जड़ ने पकड़े, ईं वाते वीं थोड़ीक देर रूके अन जद्याँ ईं सन्देसा का मस वाँका पे दुक अन हताव आवे, तद्याँ वीं फटाकऊँ आपणाँ विस्वासऊँ छेटी वे जावे हे।

मरकुस 4:17 Iomraidhean Croise

मत्ती 11:6

वीं मनक धन्न हे, ज्याँने मने मानबा में कई सक ने हे।”

मत्ती 12:31

ईं वाते मूँ थाँकाऊँ कूँ हूँ के, मनक का हाराई पाप अन मुण्डाऊँ किदी तकी बुरई माप किदी जाई, पण पुवितर आत्मा की बुरई कदीई माप ने किदी जई।

मत्ती 13:21

पण आपणाँ में जड़ ने पकड़बा का मस वीं थोड़ाक दनईस रेवे हे, अन जद्याँ परमेसर पे विस्वास करबा की वजेऊँ मनक वाँकाऊँ हव वेवार ने राके अन हतावे तो वीं विस्वास करणो छोड़ देवे हे।

मरकुस 4:16

अन कुई मनक काँकरा की जमीं का जस्यान हे, जटे बीज बोयो जावे हे, वीं सन्देसा ने हुणन आणन्दऊँ अपणा लेवे।

मरकुस 4:18

दूजाँ मनक, झाड़क्याँ में बोया तका बीज का जस्यान हे, ज्यो सन्देसा ने हुणे,

लूका 12:10

ज्यो कुई मूँ मनक का पूत का विरोद में कई गलती करी, वींकी गलती माप किदी जाई, पण ज्यो कुई पुवितर आत्मा का विरोद में कई गलती करी, तो वींने कदी माप ने किदो जाई।

यहुन्ना 8:31

जणा यहूदी मनकाँ वींपे विस्वास किदो, वाँने ईसू क्यो, “यद्याँ थाँ मारा हिक का जस्यान चाल पे अटल रेवो, तो हाचेई मने मानबावाळा बणो।

गलातियों 6:12

ज्यो मनक आपणी देह का रूप में हव दिकावो करे हे वीं थाँका पे खतनो कराबा को जोर देवे हे। वीं यो बेस ईं वाते करे हे के, वीं मसी की हूळी का परच्यार का मस हताया ने जावे।

2 तिमुतियूस 1:15

थूँ जाणे हे के, आसिया परदेस का रेबावाळा हाराई मने छोड़ दिदो हे, जणामें फुगिलुस अन हिरमुगीनेस भी हे।

2 तिमुतियूस 4:10

काँके देमास तो ईं दनियादारी का मो-माया में पड़न मने छोड़न थिस्सुलुनिक्यों नगर परोग्यो हे। क्रेसकेस गलातिया नगर में अन तीतूस दलमतिया नगर में परोग्यो हे।

2 तिमुतियूस 4:16

पेलकी दाण कोरट में मारा बचाव में मारी मदत कणी ने किदी, पण हाराई का हाराई मने छोड़ दिदो, भलो वे के, परमेसर वणाऊँ ईंको हस्याब ने लेवे।

इब्रानियों 10:29

थाँ होचो के, वो मनक कतरो दण्ड भोगी, जणी आपणाँ पगा का रेटे परमेसर का बेटा ने गूँन्दयो हे, अन वो वणी करार का पुवितर लुई जणीऊँ वो पुवितर किदो हो वो वींने एक अपुवितर मान्यो हे अन वणी दया करबावाळी आत्मा को भी अपमान किदो हे।

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।