मरकुस 3:22 - नुवो नेम (मेवड़ी नया नियम)

²² यरूसलेमऊँ आया तका मूसा का नेमा ने हिकाबावाळा केता हा, “वींमें हुगली आत्मा को राजा, बालजेबूल धस्यो तको हे। ईं वाते वो वींकी तागतऊँ दूजी हुगली आत्माने बारणे निकाळ सके हे।”

मरकुस 3:22 Iomraidhean Croise

मत्ती 10:25

चेला ने गरू का बराबर वेवा में अन हाळी ने मालिक का बराबर वेवा मेंईस संतोक करणो छावे। यद्याँ वीं घर का मालिक ने बालजेबूल केवे, तो वाँका घर का लोगाँ ने ओरी हेलो बुरो काँ ने केई?

मत्ती 11:18

यहुन्नो दूजाँ के जस्यान ने तो खातो अन ने दाकरस पितो अन वीं मनक केवे हे के, ‘वींमें हुगली आत्मा हे।’

मत्ती 12:24

पण फरीसियाँ ओ हुणन तरत क्यो, “ओ तो हुगली आत्मा का सरदार बालजेबूल की मदतऊँ हुगली आत्मा काड़े हे।”

मत्ती 15:1

तद्याँ यरूसलेमऊँ कुई फरीसी अन नेमा ने हिकाबावाळा ईसू का नके आन केबा लागा,

मत्ती 9:34

पण फरीसी क्यो, “यो तो हुगली आत्मा का हाकम की मदतऊँ हुगली आत्माने काडे़ हे।”

मरकुस 7:1

यरूसलेमऊँ आया तका थोड़ाक फरीसी अन मूसा का नेमा ने हिकाबावाळा लोग, ईसू के भड़े आन भेळा वेग्या।

लूका 11:15

पण, वाकामूँ नरई केबा लागा, “ओ तो हुगली आत्मा का हाकम बालजेबूल का नामऊँ हुगली आत्मा काड़े हे।”

लूका 5:17

एक दन अस्यो व्यो के, ईसू उपदेस देरिया हा अन वटे फरीसी अन यहूदी धरम गरू बेटा तका हा। वीं गलील, यहूदा परदेस की हंगळी जगाँऊँ अन यरूसलेमऊँ आया तका हा। माँदा ने हव करबा का वाते परबू परमेसर की तागत ईसू का हाते ही।

यहुन्ना 10:22

वीं दाण हियाळो को टेम हो अन यरूसलेम में मन्दर की थापणा को तेवार मनायो जारियो हो।

यहुन्ना 7:20

लोग-बाग वींने क्यो, “थाँरा में हुगली आत्मा धस्यी तकी हे। कूण हे ज्यो थने मारणो छावे हे?”

यहुन्ना 8:48

यहूदी मनकाँ ईसू ने पूँछ्यो, “कई माँको यो केणो सई ने के, थूँ सामरी हे अन थाँरा में हुगली आत्मा धस्यी तकी हे?”

यहुन्ना 8:52

ईंपे यहूदी नेता वाँने क्यो, “अबे माँने पको विस्वास वेग्यो हे के, थाँरा में हुगली आत्मा धस्यी तकी हे। अबराम अन परमेसर का आड़ीऊँ बोलबावाळा तो मरग्या, पण थूँ केवे हे के, ‘यद्याँ कुई मारी हिक ने मानी, तो वो कदी ने मरी।’