मरकुस 16:17 - नुवो नेम (मेवड़ी नया नियम)

¹⁷ ज्यो मारा पे विस्वास करी, वो अचम्बा का काम करी, वे मारा नामऊँ हुगली आत्माने बारणे काड़ी, अन वे नुवी-नुवी बोल्याँ बोली।

मरकुस 16:17 Iomraidhean Croise

मरकुस 9:38

यहुन्ने ईसू ने क्यो, “ओ गरुजी, माँकाणी एक मनक ने थाँका नामऊँ हुगली आत्माने बारणे काड़तो तको देक्यो हे। माँकाणी वींने रोकणो छाया, काँके वो माकाँ मईने को ने हे।”

लूका 10:17

वी बोईतर चेला खुस वेन पाच्छा आया अन बोल्या, “ओ परबुजी, थाँका नामऊँ हुगली आत्मा भी माकाँ बंस में वे जावे हे।”

यहुन्ना 14:12

“मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ।

थरप्या तका का काम 10:46

वे वाँने तरे-तरे की भासा बोलता तका अन परमेसर की मेमा करता तका हुणरियो हा। तद्याँ पतरस बोल्यो,

थरप्या तका का काम 16:18

वा नरई दनाँ तईं अस्यानीस करती री, जद्याँ पोलुस घणो परेसान व्यो, अन पाछो फरन वीं हुगली आत्माऊँ क्यो “मूँ थने ईसू मसी का नामऊँ आग्या दूँ हूँ के, अणी मूँ निकळजा” अन वा वणीस दाण वींमूँ बारणे निकळगी।

थरप्या तका का काम 19:6

जद्याँ पोलुस वणापे हात राक्यो, तो पुवितर आत्मा वाँके डिले आयो, अन वीं तरे-तरे की बोली ने अन परमेसर का आड़ीऊँ बोलबा लागा।

थरप्या तका का काम 2:33

ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो।

थरप्या तका का काम 5:16

यरूसलेम के अड़े-भड़े का नगराऊँ लोग-बाग माँदा अन ज्याँमें हुगली आत्मा ही वाँने लाबा लागा अन वे हारई हव वे जाता हा।

थरप्या तका का काम 8:7

नरई लोग-बाग में धस्यी तकी हुगली आत्मा हाका-भार करती तकी बारणे निकळगी अन नरई लकवा का मान्दा अन लुला-लंगड़ा हव वेरिया हा।

1 कुरिन्थियों 12:10

अन किंने तो अचम्बा का काम करबा को अन किंने तो परमेसर का आड़ीऊँ बोलबा को वरदान, किंने तो भली-बुरी आत्माने जाणबा को वरदान, किंने तो अलग अलग बोली बोलबा को वरदान, किंने तो वाँ बोल्याँ को मतलब बताबा को वरदान दिदो जावे हे।

1 कुरिन्थियों 12:28

अन परमेसर की मण्डली में अलग अलग मनकाँ ने परमेसर अलग अलग रूप में चुण्या हे जस्यान के किंने खन्दाया तका चेला को रूप में, दूजाँ ने परमेसर का आड़ीऊँ बोलबा का रूप में, तीजा ने गरू का रूप में अन किंने तो अचम्बा का काम करबावाळा का रूप में अन किंने तो हव करबावाळा का वरदानाँ में, अन किंने मदत करबावाळा का रूप में अन किंने तो वेवस्ता करबावाळा का रूप में तो किंने तो अलग अलग बोली बोलबावाळा का रूप में चुण्या हे।

1 कुरिन्थियों 12:30

कई हारई ने हव करबा को वरदान मल्यो तको हे? कई हारई ने अलग अलग बोली में बोलबा को वरदान मल्यो हे? कई हारई ने अलग अलग बोली को मतलब बताबा को वरदान मल्यो हे? कदी ने!

1 कुरिन्थियों 13:1

यद्याँ मूँ मनकाँ अन हरग-दुताँ की बोली बोलूँ पण लोगाऊँ परेम ने करूँ, तो मूँ टन टन करतो तको पीतळ अन फालतू में बाजतो तको ढोल हूँ।

1 कुरिन्थियों 14:2

काँके ज्यो मनक अलग अलग बोल्याँ में बात करे हे वो मनकाँऊँ बात कोयने करे पण परमेसरऊँ बात करे हे। ईं वाते वींकी बोली कुई हमज ने सके, काँके वो भेद की बाताँ ने आत्मा में वेन केवे हे।