मरकुस 16:15 - नुवो नेम (मेवड़ी नया नियम)

¹⁵ पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

मरकुस 16:15 Iomraidhean Croise

मत्ती 28:19

ईं वाते जावो, अन हाराई देसा का लोगाँ ने चेला बणावो अन बापू, पूत अन पुवितर आत्मा का नामऊँ बतिस्मो दो,

मरकुस 13:10

पण, अन्त आबा का पेल्याँ ओ जरूरी हे के, हारा देसा में मारा हव हमच्यार को परच्यार किदो जावे।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

थरप्या तका का काम 1:2

परमेसर की पुवितर आत्मा ईसू ने हरग में लेन परीगी वीं दन तईं ईसू हिकई अन किदी। ईसू को हरग में जाबाऊँ पेल्या ईसू थरप्या तका चेला ने पुवितर आत्माऊँ उपदेस दिदा।

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

रोमियों 10:18

पण मूँ बोलूँ हूँ, “कई वणा उपदेस ने हुण्यो?” हा, पकोई हुण्यो। सास्तर बोले हे, “वाँकी अवाज हारी धरती पे फेलगी, अन वाँका बचन धरती का ईं खुणाऊँ वीं खुणा तईं पोंछग्यो हे।”

रोमियों 16:26

पण जिंने हमेस्यान बण्या रेबावाळा परमेसर की आग्याऊँ परमेसर की आड़ीऊँ बोलबावाळा का लेकाँ का जरिये ज्यो यहूदी ने हे, वाँ हाराई मनकाँ में परगट करन बता दिदो ग्यो हे जणीऊँ वीं विस्वास करन आग्या माने।

इपिसियों 2:17

वाँकाणी आन थाँने ज्यो छेटी हा अन वाँने ज्यो भड़े हा, मेल-मिलाप करबावाळो हव हमच्यार हुणायो।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

1 यहुन्ना 4:14

बापू परमेसर आपणाँ बेटा ने ईं दनियाँ में मुगतीदाता का रूप में खन्दायो अन आपाँ वींने देक्यो अन वींका गवा भी हाँ।

परकासितवाक्य 14:6

ईंका केड़े में एक ओरी हरग-दुत ने आकास का बचमें में ऊसे उड़तो तको देक्यो। वींके नके धरती पे रेबावाळा हाराई मनकाँ का वाते, हाराई देस, हारी बोली बोलबावाळा का वाते अन हाराई कुल का मनकाँ ने हुणाबा का वाते अनंत हव हमच्यार हो।