3 पछे मुक्य याजकाँ वींपे नरई दोस लगाया।
जद्याँ मुक्य याजकाँ अन दाना नेता वींपे दोस लगारिया हाँ, तो वणी कई जवाब ने दिदो।
पिलातुस वींने पूँछ्यो, “कई, थूँ यहूदियाँ को राजा हे?” ईसू जबाव दिदो, “अस्यान थूँ केरियो हे।”
पिलातुस वींने दूजी दाण पूँछ्यो, “कई, थने जबाव ने देणो हे? देक, वे कतरी बाताँ को थाँरा पे दोस लगारिया हे।”
पण, ईसू अबे भी कई जबाव ने दिदो। ईं बात पे पिलातुस ने घणो अचम्बो व्यो।
ईंपे पिलातुस वींने छोड़ देणो छायो हो। पण, यहूदी मनकाँ ज्योर की हाको करन क्यो, “यद्याँ थूँ ईंने छोड़ हे, तो थूँ रोम राजा का हण्डाळ्यो ने हे। ज्यो कुई खुद ने राजा बणावे हे। वो रोमी सरकार को विरोदी हे।”
