मरकुस 14:26 - नुवो नेम (मेवड़ी नया नियम)

²⁶ तद्याँ एक भजन गान वीं हाराई जेतुन का मंगरा पे पराग्या।

मरकुस 14:26 Iomraidhean Croise

मत्ती 21:1

जद्याँ ईसू अन वींका चेला यरूसलेम का नके पोछ्याँ अन जेतुन का मंगरा पे बेतफगे का नके आया, तो ईसू दो चेला ने ओ केन खन्दाया,

मत्ती 26:30

पछे वीं भजन गान जेतुन का मंगरा पे पराग्या।

मरकुस 14:25

थाँने हाँची केऊँ के, अबे मूँ वीं दन तईं अंगूरा को रस ने छाकूँ, जदी परमेसर का राज में नवा अंगूरा को रस ने पीऊँ।”

लूका 22:39

पसे ईसू बारणे निकळन रोज का जस्यान जेतुन का मंगरा पे ग्या अन चेला वाँका हाते आया।

यहुन्ना 18:1

ईसू या परातना करिया केड़े आपणाँ चेला की लारे किद्रोन वाळा के पार ग्या। वटे एक बाग हो। जिंमें वीं अन वाँका चेला ग्या।

थरप्या तका का काम 16:25

आदीक रात का पोलुस अन सिलास परातना कररिया अन परमेसर का वाते भजन गारिया हा। जेळ में दूजाँ ओर मनक हा वीं वाँने हुणरिया हा,

1 कुरिन्थियों 14:15

तो कई करणो छावे? मूँ आत्माऊँ भी परातना करूँ अन अकलऊँ भी परातना करूँ अन आत्माऊँ भी भजन गाऊँ अन अकलऊँ भी भजन गाऊँ।

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।

याकूब 5:13

थाँकामूँ कुई दकी वे, तो वो परातना करे। अन जो राजी हे वो परबू की मेमा का भजन गावे।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।