मरकुस 13:27 - नुवो नेम (मेवड़ी नया नियम)

²⁷ पछे वे आपणाँ हरग दुताँ ने खन्दाई अन वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मरकुस 13:27 Iomraidhean Croise

मत्ती 12:42

आतमणी दिसा की राणी न्याव का दनाँ में अणी जुग का मनकाँ का हाते उटन थाँने दोसी बणाई, काँके वाँ राजा सुलेमान को ज्यान हुणबा का वाते धरती का अणी खुणाऊँ वीं खुणा तईं अई अन देको, अटे ज्यो हे वो सुलेमानऊँ भी मोटो हे।

मत्ती 13:41

मनक को पूत हरग-दुताँ ने अदिकार का हाते खन्दाई, अन वीं च्यारूँमेरऊँ वणा हाराई मनकाँ ने भेळा करी जीं दूजाँ मनकाँ ने पाप में नाके हे अन वाँने ज्यो परमेसर की आग्या ने माने हे

मत्ती 13:49

दनियाँ का अन्त में भी अस्योईस वेई। हरग का दूत आन पापी मनकाँ ने धरमी मनकाऊँ अलग करी।

मत्ती 24:22

“यद्याँ वीं दनाँ ने परमेसर कम करबा को बच्यार ने किदो वेतो तो कुई भी मनक ने बंचतो, पण आपणाँ चुण्या जाबा का मस परमेसर वणा दनाँ ने कम करी।

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मरकुस 13:20

अन जदी परमेसर वाँ दनाँ ने कम ने किदा वेता, तो ईं धरती पे कुई ने बंच सकतो। पण, वाँ गण्या-चुण्या मनक का वाते, जाँने वणा चुण्या हे, वाँ दनाँ ने कम किदा हे।

मरकुस 13:22

काँके जूटा मसी अन जूटा मनक परमेसर का आड़ीऊँ बोलबावाळा आई। वे अस्या अस्या गजब का परच्या बतई अन अस्या अचम्बा में नाकबा का काम करी के, वे सके तो वे परमेसर का चुण्या तका लोगाँ ने भी डापा में नाक देई।

मरकुस 13:28

“अंजीर का रूँकड़ा की ईं केणीऊँ हिक लेवो। जदी वाँकी डाळयाँ कँवळी वे जावे, अन वींपे कूँपळा फूटबा लागे, तो थें जाण जावो के, उनाळो आबा में हे।

लूका 16:22

पसे अस्यान व्यो के, वो गरीब दकी मनक मरग्यो अन हरग-दुत वींने अबराम की गोद में बेवाड़ दिदो। अन पछे वो रिप्यावाळो मनक भी मरियो अन वींने गाड़ दिदो।

लूका 18:7

तो कई परमेसर आपणाँ चुण्या तका को हाँचो न्याव ने करी, जी रात-दन वाँकाऊँ अरज करता रेवे हे। कई वी वाँका न्याव करबा में मोड़ो करी?

यहुन्ना 10:16

मारे ओर भी गारा हे, ज्यो ईं बाड़ा में ने हे। मने वाँने भी लाणा घणा जरूरी हे। वीं मारी बोली ओळकी, तद्याँ एकीस रेवड़ वेई अन एकीस गवाळ्यो वेई।

यहुन्ना 11:52

वो बेस यहूदी मनकाँ का वातेईस ने मरी, पण परमेसर का हाराई वकरिया तका लोगाँ ने एक हाते करबा का वाते भी मरी।

रोमियों 8:33

परमेसर का चुण्या तका मनकाँ पे कूण दोस लगा सके हे? वो परमेसर ईं हे ज्यो वाँने निरदोस बणावे हे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

2 थिस्सुलुनिक्यों 2:1

हो भायाँ-बेना, आपणाँ परबू ईसू मसी का आबा अन वाँके नके भेळा वेबा का बारा में, माँ थाँकाऊँ अरज करा हाँ के,

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।