मरकुस 10:18 - नुवो नेम (मेवड़ी नया नियम)

¹⁸ ईसू वींने जबाव दिदो, “थूँ मने हाँचो काँ केवे? परमेसर का बना ओरी कुई हाँचो कोयने।

मरकुस 10:18 Iomraidhean Croise

मत्ती 19:17

ईसू वींने क्यो, “थूँ मने हाँचो काँ केवे हे? हाँचो तो खाली परमेसरइस हे, पण यद्याँ थूँ अनंत जीवन पाणो छावे, तो वाँकी आग्या ने मान्याँ कर।”

मरकुस 10:17

अन जदी ईसू निकळन गेला में जारिया हा, तो एक मनक वाँका आड़ी दोड़तो तको आयो, अन वाँका हामे गोडा टेकन क्यो, “ओ हाँचा गरुजी, अनंत जीवन पाबा का वाते मने कई करणो छावे?”

मरकुस 10:19

थूँ परमेसर की आग्या जाणे हे, ‘हत्या ने करणी, कुकरम ने करणा, चोरी ने करणी, जूटी गवई ने देणी, छळ मत करज्ये अन आपणाँ बई-बापू को मान राकज्ये।’”

लूका 18:19

ईसू वींने जबाव दिदो, “थूँ मने हाँचो काँ केवे? परमेसर का बना ओरी कुई हाँचो कोयने।

रोमियों 3:12

हाराई का हाराई परमेसर का गेलाऊँ भटकग्या हे, वीं हाराई बुरा बणग्या हे, कुई भलई करबावाळो ने हे एक भी ने हे।

याकूब 1:17

काँके हाराई दान वरदान अन हव ईनाम उपरेऊँईस मले हे अन ईं उजिता का परमेसरइस देवे हे जणी हरग ने बणाया हे, ज्यो कदी बदल कोयने, अन वींमें बदलती दसा का वजेऊँ आबावाळी काळी छाया भी कोयने हे।

1 यहुन्ना 4:16

जस्यान को परेम परमेसर आपाऊँ राक्यो हे वींने आपाँ जाणा हाँ अन आपाँ वींमें विस्वास भी किदो हे। परमेसरइस परेम हे। ज्यो भी मनक परेम करे हे वो वींमें बण्यो तको रेवे हे अन परमेसर वींमें वास करे हे।

1 यहुन्ना 4:8

ज्यो भी मनक परेम ने करे, वो परमेसर ने ने जाणे सक्यो। काँके परमेसरइस परेम हे।