मरकुस 10:11 - नुवो नेम (मेवड़ी नया नियम)

¹¹ वे वाँने क्यो, “ज्यो कुई आपणी लुगई ने छोड़न दूजी लुगईऊँ नातो करे, तो वो पेली लुगई का खिलाप में कुकरम करे हे।

मरकुस 10:11 Iomraidhean Croise

मत्ती 19:9

मूँ थाँकाऊँ केवूँ हूँ के, “यद्याँ कुई लुगई कुकरमी ने वेवे तद्याँ भी वींको धणी वींने छोड़ देवे हे अन दूजीऊँ ब्याव करे, वो कुकरम हे।”

मरकुस 10:10

पछे वे हारई पाच्छा घरे ग्या, तो चेला ईसुऊँ अणी बात का बारा पूँछ्यो।

लूका 16:18

ईं वाते ज्यो भी आपणी लुगई ने छोड़न दूजीऊँ ब्याव करे हे, वो कुकरम करे हे, अन ज्यो छोड़ी तकी लुगईऊँ ब्याव करे हे, तो वो भी कुकरम करे हे।

रोमियों 7:3

यद्याँ वाँ आपणाँ धणी का जीवता रेताई कणी दूजाँ मनक का हाते वेवार करले, तो वाँ कुकरमी केवावे हे पण यद्याँ वींको धणी मरी जावे तो, ब्याव का नेम वींपे लागू ने वेवे हे अन पछे यद्याँ वाँ कणी दूजो का हाते नातो करले, तद्याँ भी वाँ कुकरमी ने केवावे हे।

1 कुरिन्थियों 7:4

लुगई को आपणी देह पे बेस खुद अदिकार ने हे, पण वींका धणी ने भी हे अन वस्यानीस धणी ने भी आपणी देह पे अदिकार ने हे, पण वींकी लुगई ने भी हे।

इब्रानियों 13:4

ब्याव को हाराई ने मान करणो छावे। लोग-लुगई एक-दूँजा का वाते वफादार रेवो। काँके दूजाँ का हाते गलत वेवार राकबावाळा लोग-लुगई ने अन कुकरम करबावाळा ने परमेसर सजा देई।