मरकुस 1:26 - नुवो नेम (मेवड़ी नया नियम)

²⁶ पछे वा हुगली आत्मा वीं मनक ने धधूणियो अन जोरको हाको करन बारणे निकळगी।

मरकुस 1:26 Iomraidhean Croise

मरकुस 1:25

तो ईसू वींने तापड़न क्यो, “छानी रे अन ईंमूँ बारणे निकळजा।”

मरकुस 1:27

हारई जणा अचम्बा में पड़ग्या अन अतरो अचम्बो व्यो के, वे एक-दूँजा ने पूँछबा लागा, “यो कई हे? यो कई नुवो उपदेस हे? वो हकऊँ हुगली आत्माने आदेस देवे अन वा आत्मा वींने भी माने हे।”

मरकुस 9:20

जदी वी छोरा ने वाँका नके लाया। अन जस्यानीस हुगली आत्मा ईसू ने देक्यो, तो वीं छोरा ने कल्ड़ो कर दिदो। वो नीचे पड़ग्यो अन तड़पबा लागो। वींका मुण्डामूँ जाग निकळबा लागा।

मरकुस 9:26

जदी हुगली आत्मा हाका-भार मेली। छोरा ने घणा मरोड़ा आया अन हुगली आत्मा बारणे निकळगी, छोरो मरग्यो जस्यान दिकबा लागो। तो नरई जणा क्यो, “वो मरग्यो।”

लूका 11:22

पण, जद्याँ वणीऊँ भी ज्योरावर मनक हमलो करन वणीऊँ जीत जावे हे, तो वींका वी हत्यार जिंपे वींने भरोसो हे, वो कोस लेवे हे अन वींकी धन-दोलत लूट लेवे हे।

लूका 9:39

अन अणाचेत की एक हुगली आत्मा वींमें आ जावे हे अन वो हाको करबा लाग जावे अन वाँ वींने अस्यो मरोड़े हे के, वींका मुण्डाऊँ जाग आ जावे हे। अन वाँ वींने कदीस ने छोड़े हे अन हमेस्यान वींका सरीर ने खारी ही।

लूका 9:42

वो वीं छोरा ने लईरो हो तद्याँ हुगली आत्मा छोरा ने पटकन मरोड़्यो। पण, ईसू वणी हुगली आत्माने तापड़ी अन छोरो ने हव करन वींका बाप ने हूँपे दिदो।