मत्ती 9:6 - नुवो नेम (मेवड़ी नया नियम)

⁶ अणीऊँ थाँ ओ जाण सको हो के, ईं धरती पे पापाँ की मापी देबा को अदिकार मनक का पूत ने भी दिदो ग्यो हे।” पछे ईसू लकवा का माँदा मनकऊँ क्यो, “ऊबो वे, आपणो माचो उठान घरे परोजा।”

मत्ती 9:6 Iomraidhean Croise

मत्ती 4:24

हाराई सिरिया देस में वाँको हव हमच्यार फेलग्यो। ईं वाते लोग अस्या हाराई मनकाँ ने ज्यो तरे-तरे की मांदकीऊँ माँदा हा, जणामें हुगळी-आत्मा, जाँने मरगी का जोला आता हा, अन जीं लकवा का माँदा हाँ, वाँने ईसू का नके लाया अन ईसू वाँने हव किदा।

मत्ती 8:20

ईसू वींकी बात हुणन क्यो, “हिवाळ्या के, तो खोकल वेवे हे अन आकास का जनावराँ का वाते गवाळा वेवे हे पण मनक का पूत का वाते मातो ढाँकबा का वाते भी जगाँ ने हे।”

मत्ती 9:2

लोग-बाग एक माँदा ने माचा पे हुवाण वाँके नके लाया, ईसू वाँका विस्वास ने देकन वणी लकवा का माँदा मनकऊँ क्यो, “बाळक हिम्मत राक, थाँरा पाप माप वेग्या हे।”

मत्ती 9:5

हेलो हेल कई हे? यो केणो के ‘थाँरा पाप माप वेग्या’ कन ओ केणो ‘उठ, अन परोजा?’

मत्ती 9:7

वो लकवा को मांदो मनक ऊबो वेन आपणाँ घरे परोग्यो।

मरकुस 2:10

पण, मूँ थाँने ईं बात को सबूत दे सकूँ हूँ के, ईं धरती पे मनक का पूत(ईसू) ने यो पूरो हक हे के, वो पापाँ ने माप कर सके।” पछे ईसू वीं लकवा का माँदा मनक ने क्यो,

मरकुस 2:7

“यो मनक अस्यी बाताँ काँ करे हे? यो तो परमेसर की नन्दयाँ करे हे। परमेसर ने छोड़न दूजो कूण पापाँ ने माप कर सके?”

लूका 5:21

जद्याँ मूसा का नेमा ने हिकाबावाळा अन फरीसी आपस में बात करबा लागा के, “ओ कूण हे? ज्यो परमेसर की नन्दयाँ करे हे। परमेसर ने छोड़न कूण पाप माप कर सके हे?”

यहुन्ना 10:28

अन मूँ वाँने अनंत जीवन दूँ हूँ। वाँको कदी भी नास ने वेई अन ने कुई वाँने मारा हाताऊँ कोस सकी।

यहुन्ना 17:2

काँके थाँ वींने हाराई मनकाँ का ऊपरे अदिकार दिदो के, ज्याँने थाँ वींने दिदा हे वणा हाराई ने वो अनंत जीवन देवे।

यहुन्ना 5:27

पण मने न्याव करबा को भी हक दिदो ग्यो हे काँके मूँ, मनक को पूत हूँ।

यहुन्ना 5:8

ईसू वींने क्यो, “उठ, आपणो माचो उठा अन चाल-फर।”

थरप्या तका का काम 5:31

परमेसर वींनेईस राजा अन छुड़ाबावाळो मानन आपणाँ जीमणा पाल्डे बेटा दिदो हे, ताँके इजराएली लोग ने आपणो पापाऊँ मन बदलबा को मोको मले अन परमेसर वाँका पापाँ ने माप करे।

थरप्या तका का काम 9:34

पतरस वींने क्यो, “एन्यास, ईसू मसी थने हव करी, ऊबो वे अन आपणो वसाणो हामट” तो वो तरत ऊबो वेग्यो।

2 कुरिन्थियों 2:10

यद्याँ थाँ किंने कस्यी भी बात का वाते भी माप करो हो वींने मूँ भी माप करूँ हूँ अन ज्यो कई भी मूँ माप करूँ हूँ वो मसी का हामे थाँका वाते किदो ग्यो हे,

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

इपिसियों 4:32

एक दूजाँ का वाते करपा वाळा अन दयाळू बणो अन एक दूजाँ का गुना ने वस्यानीस माप करो जस्यान परमेसर थाँने मसीऊँ माप किदा।

कुलुसियों 3:13

किंका पे थाँको ओळमो वे तो एक-दूँजा ने सेण करता तका अन एक-दूँजा ने माप कर दो। जस्यान परमेसर थाँने माप करे हे वस्यानीस थाँने भी एक-दूँजा ने माप करणा छावे।