मत्ती 9:18 - नुवो नेम (मेवड़ी नया नियम)

¹⁸ ईसू वाँकाऊँ या बाताँ केईसरियो हो अन एक परातना घर को मुक्यो आन वाँके आगे गोड़ टेकन अरज किदी के, “मारी नान्नीक छोरी अबाणू मरगी हे, पण थाँ चालन थाँको हात वाँका माता पे मेली दो तो वाँ पाच्छी जीवती वे जाई।”

मत्ती 9:18 Iomraidhean Croise

मत्ती 14:33

ईंपे वाँकाणी ज्यो नाव में हाँ, वीके धोग लगान क्यो, “हाँचाई, थूँ परमेसर को पूत हे।”

मत्ती 15:25

पण वाँ अई, अन ईसू के पगाँ पड़न केबा लागी, “ओ परबू जी, मारी मदत करो।”

मत्ती 17:14

जद्याँ वीं लोगाँ की टोळी में पाच्छा आया, तो वटे एक मनक वाँका नके आयो अन पगा पड़न केबा लागो,

मत्ती 20:20

जद्याँ जब्दी का छोरा की बई आपणाँ छोरा का हाते ईसू का नके आन हाता-जोड़ी किदी के, वींऊँ कई माँगबा लागी।

मत्ती 28:17

वणा वटे ईसू को दरसण पान हाता-जोड़ी किदी, पण कणी कणी ने तो मन में भेंम व्यो।

मत्ती 8:2

अन देको, वटे एक कोड़यो मनक वाँका नके आन धोग देन क्यो, “हो परबू मूँ जाणूँ हूँ के, थाँ मारो कोड़ मटा सको हो।”

मत्ती 8:25

तद्याँ चेला वींका नके आन वाँने जगाया अन क्यो, “हो परबू, आपाँने बचावो, आपीं डुबवावाळा हा।”

मत्ती 9:17

अन अस्यानीस कुई जूनी मसक में नुवो अंगूरा को रस ने भरे अन जद्याँ कुई यो काम करे, तो नुवो अंगूरा को रस फेलन जूनी मसक ने फाड़ दे अन अस्यान मसक की हाते रस भी खराब वे जावे। ईं वाते नुवो अंगूरा को रस नुवी मसका मेंईस भरयो जावे हे।”

मत्ती 9:19

ईसू ऊबो व्यो अन आपणाँ चेला का हाते वींका हाते चाल पड़्यो।

मत्ती 9:24

जद्याँ ईसू क्यो, “छेटी वे जावो, बाळकी मरी कोयने हे, वा तो हूँ री हे।” ईं बात पे वीं मनक वींकी रोळ करबा लागा।

लूका 13:14

ईसू आराम का दन वींने हव किदी ही। ईं वाते परातना घर का एक मुक्या ने रीस आगी अन वणी लोगाऊँ क्यो, “छे दन हे, जणामें काम-काज करणो छावे, ईं वाते वणा दनाँ मेंईस आन हव वो, पण आराम का दन हव वेवा मती आवो।”

लूका 18:18

एक यहूदी हाकम ईसुऊँ पूँछ्यो, “ओ हव गरुजी, अनंत जीवन पाबा का वाते मूँ कई करूँ?”

लूका 7:2

अन वटे एक सपायाँ को हाकम हो, जिंको दास अरतो मांदो हो के, मरबा में हो, वो वीं दासऊँ घणो परेम करतो हो।

यहुन्ना 11:25

ईसू वींने क्यो, “जीवन मारा में हे अन मरिया केड़े पाछो जीवतो वेणो मारा में हे। ज्यो कुई मारा पे विस्वास करी, वीं यद्याँ मर भी जाई तद्याँ भी पाच्छा जी उटी।

यहुन्ना 11:32

जद्याँ मरियम वटे पोंछी जटे ईसू हाँ, तो वाँने देकताई वाँका पगाँ में पड़गी अन क्यो, “हो परबू, यद्याँ थाँ अटे वेता तो मारो भई ने मरतो।”

थरप्या तका का काम 13:15

मूसा की वेवस्ता का नेम अन परमेसर का आड़ीऊँ बोलबावाळा की पोत्याँ का पाट भणन यहूदी परातना घर का अदिकारी वाँका नके अस्यान पूँछबा खन्दाया के, “ओ भई-लोगाँ, थाँका नके धिजो बन्दाबा के वाते ओरी बचन वेवे, तो हुणावो।”

थरप्या तका का काम 28:8

पबलियुस का बापू ने ताव आरियो हो अन दस्ताँ लागरी ही, ईं वाते वीं माचा पे हूँता हा, पोलुस वणा का नके ग्यो अन परातना किदी अन हात मेलन वींने हव किदो।