मत्ती 9:15 - नुवो नेम (मेवड़ी नया नियम)

¹⁵ ईसू वाँकाऊँ क्यो, “ब्याव के टेम में जद्याँ तईं बींद आपणाँ जान्या का हाते हे तो कई वींका जान्या रोवणो-धोवणो करी? पण वीं दन जद्याँ बींदराजा ने वाँकाऊँ छेटी किदो जई, वीं टेम वीं एकाणो राकी।

मत्ती 9:15 Iomraidhean Croise

मत्ती 9:14

तद्याँ बतिस्मा देबावाळा यहुन्ना का चेला ईसू का नके आन क्यो, “कई बात हे के, माँ अन फरीसी अतरा एकाणा राका हा, पण थाँका चेला काँ ने राके हे?”

मत्ती 9:16

अन अस्यानीस, कुई भी जूना गाबा के, नुवा गाबा मूँ फाड़न कारी ने लगावे अन कदी लगा भी दे, तो नुवा गाबा की कारी भेळी वेन जूना गाबा ने भी फाड़ दे अन वो फाट्यो गाबो ओरी हेलो फाट जावे।

मरकुस 2:19

तो ईं बात पे ईसू क्यो, “जतरे बींदराजा जान्या की लारे हे, वाँने एकाणो राकबा की जरूत हे कई? जतरे बींद वाँकी लारे हे, वीं एकाणो ने राकी

मरकुस 2:20

पण, वीं दन आई, जद्याँ बींद वाँकाऊँ अलग वे जाई, तो वीं एकाणो राकी।

लूका 17:22

पण, ईसू आपणाँ चेलाऊँ क्यो, “अस्यी टेम आई, जद्याँ थाँ मूँ मनक का पूत का दनाँ मेंऊँ एक दन ने भी देकबाऊँ तरसेगा, पण ने देक सको।

लूका 5:34

ईसू वणाऊँ क्यो, “जद्याँ तईं बींद जान्या का लारे हे तो कई वी एकाणो राकी?

लूका 5:35

पण वीं दन आई जद्याँ बींद वणाऊँ छेटी करियो जाई, तद्याँ वीं एकाणो राकी।”

यहुन्ना 16:6

पण में ईं बाताँ थाँकाऊँ किदी हे, ईं वाते थाँका मन दकऊँ भरग्या हे।

यहुन्ना 3:29

वोईस बींद हे, जिंकी लाड़ी हे, पण बींद को यार ज्यो ऊबो रेन वींकी हुणे अन वो बींद की वाणीऊँ घणो राजी वेवे हे। अस्यानीस मारो आणन्द पूरो व्यो हे।

थरप्या तका का काम 14:23

वटे की हरेक विस्वास्याँ की मण्डली में बुड़ा-ठाड़ा ने थरप्या अन वाँने वरत अन परातना करन परबू का हाताँ में हूँप दिदी, जिंपे वीं विस्वास करता हा।

1 कुरिन्थियों 7:5

थाँ एक-दूँजा की देह की मनसा ने पुरी करबा में छेटी मती रेज्यो, पण थोड़ीक टेम तईं परातना का वाते आपस का राजीपाऊँ छेटी रो अन पाच्छा एक हाते वे जावो। कटे अस्यान ने वे के, थाँका खुद ने बंस में राकबा की कमजोरीऊँ सेतान थाँकी परक करे।

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।

परकासितवाक्य 19:9

तद्याँ वणी हरग-दुत माराऊँ क्यो, “अस्यान लिक वीं मनक धन्न हे ज्यो उन्याँ का ब्याव का जीमणा में नुत्या ग्या हे।” वणी पाछो क्यो, “ईं बचन परमेसर का हाँचो बचन हे।”

परकासितवाक्य 21:2

पछे में पुवितर नगर नुवो यरूसलेम ने हरगऊँ परमेसर का नकेऊँ उतरते देक्यो अन वो वीं लाड़ी का जस्यान हे, ज्याँ आपणाँ धणी का वाते सजे धजे।