मत्ती 9:13 - नुवो नेम (मेवड़ी नया नियम)

¹³ ईं वाते थें जान ईंको अरत सास्तरा में कई हे वींने हमजो, ‘मूँ बली ने छावूँ हूँ, पण दया-भाव छावूँ हूँ।’ मूँ धरमिया कोयने, पण पापी मनकाँ ने बलावा आयो हूँ।”

मत्ती 9:13 Iomraidhean Croise

मत्ती 12:3

ईसू वाँकाऊँ क्यो, “कई थें ओ ने भण्यो के, जद्याँ दाऊद अन वाँका हण्डाळी ने भूक लागी तो वणा कई किदो?

मत्ती 12:5

कई थें नेमा में ने भण्यो के, आराम का दन याजकईस मन्दर में काम करन आराम का दन का नेम ने तोड़े हे? पण वाँने कुई भी कई ने केवे हे।

मत्ती 12:7

यद्याँ थें आँको मतलब हमजता तो थाँ जाणता के, ‘मूँ दयाऊँ राजी वूँ हूँ, बलीदानऊँ ने,’ तो थाँ बना दोस का मनकाँ पे दोस ने लगाता।

मत्ती 19:4

वाँकाणी जवाब दिदो, “कई थाँ सास्तर में ने भण्यो के, दनियाँ ने बणाबावाळा वाँने सरुवात में ‘वाँने मनक अन लुगई का रूप में रच्या हा?’

मत्ती 21:42

ईसू वींने क्यो, “कई थाँ पवितर सास्तर में ओ ने भण्यो के, “‘जणी भाटा ने राज कारीगर बेकार जाण्यो हो, वोईस खुणा को खास भाटो बणग्यो। ओ परबू का आड़ीऊँ व्यो, अन मारी नजर में मोटी बात वीं?’”

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मत्ती 3:8

थाँने ईं बात को परमाण देणो पड़ी के, हाचेई थाँका मन बदल्या हे के कोयने।

मत्ती 4:17

वीं टेमऊँ ईसू हव हमच्यार की सरुआत कर दिदी के, “पापऊँ मन फेरो, काँके हरग को राज आबावाळो हे।”

मरकुस 12:26

मरिया तका जीवता वेन उठबा का बारा में थाँकाणी मूसा की किताब में जटे हळगता तका झाड़क्याँ का बारा में लिक्यो हे, कई थाँ वो ने भण्यो? वटे परमेसर मूसा ने क्यो हो, ‘मूँ अबराम को परमेसर हूँ, इसाक को परमेसर हूँ अन याकूब को परमेसर हूँ।’

मरकुस 12:33

हारई मनऊँ, हारई अकलऊँ, अन आपणी हारई तागतऊँ थने परमेसरऊँ परेम करणो छावे। अन आपणाँ पड़ोसीऊँ भी अतरो परेम कर, जतरो परेम थूँ खुदऊँ करे। अणा दुई आग्या ने मानणी, हाराई होमऊँ अन बलीदानाऊँ भी बड़िया हे।”

मरकुस 2:17

ईसू यो हुणन वाँने क्यो, “हव मनक के वाते एलाज करबावाळा की जरूत ने वे, पण माँदा मनक के वाते जरूत वेवे हे। मूँ धरमियाँ ने कोयने, पण पाप्याँ ने बंचाबा आयो हूँ।”

लूका 10:26

ईसू वणीऊँ क्यो, “वेवस्ता की विदी में कई लिक्यो तको हे? वटे थाँ कई भण्यो हो?”

लूका 19:10

मूँ मनक को पूत गमाया तका ने होदबा अन वाँने बंचाबा का वाते आयो हे।”

लूका 24:47

अन यरूसलेमऊँ लगान हाराई धरती का लोगाँ में मन फेरबा को अन पापऊँ मापी को परच्यार वींका नामऊँईस किदो जाई।

लूका 5:31

ईसू वणाऊँ क्यो, “इलाज हव मनकाँ का वाते कोयने पण, माँदा मनकाँ का वाते हे।

लूका 5:32

मूँ धरमियाँ ने ने पण, पाप्याँ का मन बदलबा आयो हूँ।”

यहुन्ना 10:34

ईसू वाँने जवाब दिदो, “कई थाँका सास्तरा में ने लिक्यो हे के परमेसर क्यो, ‘थाँ हाराई परमेसर का जस्यान हो’?

थरप्या तका का काम 11:18

विस्वास्याँ जद्याँ ओ हुण्यो, तो वे छाना-माना वेग्या अन परमेसर की मेमा करता तका केबा लागा, “आ हव बात हे, परमेसर जो यहूदी ने वाँने भी पापऊँ मन बदलबा को अन नुवो जीवन पाबा को मोको दिदो हे।”

थरप्या तका का काम 2:38

पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई।

थरप्या तका का काम 20:21

यहूदियाँ अन युनानियाँ के हामे गवई देतो रियो, के पापाऊँ मन फरान परमेसर का आड़ी आवो अन परबू ईसू मसी पे विस्वास करो।

थरप्या तका का काम 3:19

ईं वाते थाँ आपणो मन बदलो अन परमेसर का दयने आ जावो, ताँके परमेसर थाँका पापाँ ने माप करे

थरप्या तका का काम 5:31

परमेसर वींनेईस राजा अन छुड़ाबावाळो मानन आपणाँ जीमणा पाल्डे बेटा दिदो हे, ताँके इजराएली लोग ने आपणो पापाऊँ मन बदलबा को मोको मले अन परमेसर वाँका पापाँ ने माप करे।

2 पतरस 3:9

परबू आपणाँ वादा ने पूरा करबा में देर ने लगावे, जस्यान नरई मनक होचे हे। पण परमेसर आपणाँ वाते धीरज राके हे, काँके वो किंने भी नास करणो ने छावे हे। पण वो छावे हे के, हाराई मनक आपणाँ मन ने पापऊँ अलग करन मन फेरे।