मत्ती 9:11 - नुवो नेम (मेवड़ी नया नियम)

¹¹ ओ देकन फरीसी ईसू का चेलाऊँ क्यो, “थाँको गरू कर लेबावाळा अन पाप्याँ का हाते खाणो काँ खावे हे?”

मत्ती 9:11 Iomraidhean Croise

मत्ती 11:19

पछे मनक को पूत दूजाँ का जस्यान खातो-पितो आयो अन वीं केवे हे के देको, ‘यो खवगड़्यो अन दारुड़्यो हे, कर लेबावाळा को अन पाप्याँ को गोटी हे।’ पण परमेसर का ग्यान पे चालबावाळा आपणाँ करमाऊँ वींको ग्यान हाँचो साबत वेवे हे।”

मत्ती 5:46

काँके यद्याँ थाँ आपणाँऊँ परेम करबावाळाऊँ परेम राको हो, तो थाँका वाते कई भलो वेई? कई कर लेबावाळो भी अस्यान ने करे हे?

मत्ती 9:10

जद्याँ ईसू मत्ती का घरे आपणाँ चेला हाते खाणो खाबा ने बेटो तो नरई कर लेबावाळा अन पापी आन वाँका हाते खाणो खाबा ने बेटग्या।

मरकुस 2:16

जद्याँ मूसा का नेमा ने हिकाबावाळा ज्यो फरीसी हा वणा देक्यो के, ईसू चुंगी लेबावाळा अन पापी लोगाँ के लारे खाणो खारिया हे, तो वाँका चेलाऊँ क्यो, “ईसू चुंगी लेबावाळा अन पापी लोगाँ की लारे खाणो काँ खावे हे?”

लूका 19:7

यो देकन हाराई लोग-बाग मन में बड़बड़ान केबा लागा के, “वी तो एक पापी मनक का अटे रकरियो हे।”

लूका 5:30

यो देकन फरीसियाँ अन वाँका सास्तर हिकाबावाळा ईसू का चेलाऊँ यो केन सिकायत करबा लागा, “थाँ लगान लेबावाळा अन दूजाँ पाप्याँ का हाते काँ खावो-पीवो हो?”

थरप्या तका का काम 11:3

वे केबा लागा के, “थूँ यहूदी ने हा वाँके घरे ग्यो अन वाँके हाते खादो-पीदो भी हे।”

गलातियों 2:15

आपाँ तो जनमऊँ यहूदी हाँ, आपणो जी यहूदी ने हे वणा पाप्याऊँ कई काम ने हे।

इब्रानियों 5:2

काँके वो खुद भी कमजोरी का काबू में हे, ईं वाते वो बना हमज्या अन भटक्या तका का हाते नरमाईऊँ वेवार कर सके हे।

2 यहुन्ना 1:10

अन यद्याँ कुई थाँका नके आन, आ हिक ने देवे, तो थाँ वीं मनक ने थाँका घर में मती आबा दो अन ने वींकी आवभगत करज्यो। अन वणीऊँ नमस्कार भी मती करज्यो।