मत्ती 8:17 - नुवो नेम (मेवड़ी नया नियम)

¹⁷ यो ईं वाते व्यो, ताँके ज्यो बचन यसाया परमेसर का आड़ीऊँ बोलबावाळे क्यो हो वो पूरो व्यो के, “वणा माँदा मनकाँ ने हव किदा, अन आपणी मांदकी ने सेण कर लिदी।”

मत्ती 8:17 Iomraidhean Croise

मत्ती 1:22

यो हारोई ईं वाते व्यो के, ज्यो बचन परमेसर का आड़ीऊँ बोलबावाळे क्यो हो, वो पूरा वेवे के,

मत्ती 2:15

अन जतरे हेरोदेस ने मरियो वतरे वटेईस रियो, ईं वाते के, वो बचन ज्यो परमेसर का आड़ीऊँ बोलबावाळा क्यो हो वो पूरा वेवे के, “में आपणाँ पूत ने मिसरऊँ बारणे बलायो।”

मत्ती 2:23

अन नासरत नाम का नगर में घर बणान रेवा लागग्यो, अस्यान वो बचन पूरो व्यो, ज्यो नरई परमेसर का आड़ीऊँ बोलबावाळा क्यो हो, “वो नासरी नामऊँ जाण्यो जई।”

मरकुस 1:32

दन आत्याँ केड़े, जद्याँ हाँज पड़गी, तो वटा का मनक हंगळा हुगली आत्माऊँ दकी अन मान्दा मनकाँ ने वाँका नके लाया।

लूका 4:40

जद्याँ दन आतबाने हो तो हंगळा लोग-बाग नरई माँदा मनकाँ ने ईसू का नके लाया। ईसू जी एक-एक के माता पे हात मेलन वाँने हव कर दिदा।

2 कुरिन्थियों 12:10

ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।