मत्ती 8:16 - नुवो नेम (मेवड़ी नया नियम)

¹⁶ जद्याँ दन आत ग्यो तद्याँ ईसू का नके मनक नरई मनकाँ ने लाया ज्यामें हुगली आत्मा ही अन ईसू वणा हारई आत्माने आपणाँ बचनऊँ काड़ दिदी अन हाराई माँदा मनकाँ ने हव किदा।

मत्ती 8:16 Iomraidhean Croise

मत्ती 12:22

तद्याँ लोग-बाग हुगली आत्मा धस्यी तका एक मनक ने ईसू का नके लाया ज्यो वणी आत्मा की वजेऊँ आंदो अन गूँगा हो। अन ईसू वींने हव किदो, अन वो बोलबा अन देकबा लागो।

मत्ती 14:14

जद्याँ ईसू नावऊँ बारणे आया तो वणा एक मोटी भीड़ देकी तो वाँने वाँका पे दया आगी अन माँदा मनकाँ ने हव किदा।

मत्ती 8:15

ईसू वाँके हात अड़ायो अन तरत वाँको ताव उतरग्यो, अन वीं उटन वाँकी सेवा-चाकरी करबा लागग्या।

मत्ती 8:33

रेवड़ का गवाळ्याँ भागग्या अन नगर में जान वटे ज्यो कई व्यो हो वो अन ज्यामें हुगली आत्मा ही वाँका हारई को हाल के हूँणाया।

मत्ती 9:2

लोग-बाग एक माँदा ने माचा पे हुवाण वाँके नके लाया, ईसू वाँका विस्वास ने देकन वणी लकवा का माँदा मनकऊँ क्यो, “बाळक हिम्मत राक, थाँरा पाप माप वेग्या हे।”

मरकुस 2:3

वीं टेम में लकवा का माँदा मनक ने च्यार जणा तोकन वटे लाया।

मरकुस 5:8

वणी ओ ईं वाते क्यो, काँके ईसू वींने क्यो हो, “ए हुगली आत्मा, ईं मनकऊँ बारणे निकळजा।”

मरकुस 9:25

जदी ईसू देक्यो, मनकाँ की भीड़ वाँका उपरातळी पड़री ही, तो वाँकाणी हुगली आत्माने हुकम दिदो, “हे छोरा ने बेरो-गूँगो करबावाळी आत्मा, मूँ थने केऊँ हूँ, ईंऊँ बारणे निकळजा अन पाच्छी ईंमें मत धसज्ये।”

लूका 13:12

ईसू ने वीं लुगई पे दया अई अन वींने नके बलई अन क्यो, “ए लुगई, थूँ अबे हव वेगी हे।”

लूका 4:40

जद्याँ दन आतबाने हो तो हंगळा लोग-बाग नरई माँदा मनकाँ ने ईसू का नके लाया। ईसू जी एक-एक के माता पे हात मेलन वाँने हव कर दिदा।

लूका 4:41

हुगली आत्मा घणा जणा मेंऊँ ओ हाँको करती तकी यु बोलती तकी निकळी, “थूँ परमेसर का पूत हे।” पण ईसू वाँने तापड़न वाँने बोलबा ने दिदी, काँके वीं जाणती ही के, “ईसूइस मसी हे।”

थरप्या तका का काम 5:15

थरप्या तका का कामाँ की वजेऊँ लोग-बाग माँदा मनकाँ ने गेला में लान खुतलियाँ पे हुवाण देता, ताँके जद्याँ भी पतरस अटने निकळे, तो कमुकम वींकी छाया आ माँदा मनकाँ पे पड़ जावे।