मत्ती 5:9 - नुवो नेम (मेवड़ी नया नियम)

⁹ धन्ने हे वीं, जीं मेल-मिलाप को काम करे हे, काँके वीं परमेसर का छोरा-छोरी केवाई।

मत्ती 5:9 Iomraidhean Croise

मत्ती 5:45

जणीऊँ थाँ आपणाँ हरग का परम बापू की ओलाद केवावो, काँके वीं भला अन बुरा दुयाँ पे आपणो सुरज उगावे हे, अन धरमी अन पापी दुयाँ पे बरका वरावे हे।

मत्ती 5:48

ईं वाते थाँ पाका बणो, जस्यान थाँका हरग का परम बापू हे।”

लूका 20:36

वी पाच्छा कदी भी ने मरी, काँके वी हरग-दुताँ का जस्यान वेगा अन वीं पाच्छा जीबावाळा की ओलाद वेबाऊँ परमेसर की ओलाद भी ठेरी।

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

थरप्या तका का काम 7:26

दूजे दन मूसे देक्यो के आपणाँ मनकाँ मूँ कुई लड़रिया हा, तो वाँने हमजोतो करबा के वाते क्यो, “भई, थें तो भई-भई वेन एक-दूँजा पे अन्याव काँ करो हो?”

रोमियों 12:18

जटे तईं वेवे, हाराई मनकाँ का हाते सान्तीऊँ रेवो।

रोमियों 8:14

ज्यो परमेसर की आत्मा का जस्यान चाले हे, वीं परमेसर की ओलाद हे।

रोमियों 8:16

आ पुवितर आत्मा खुद आपणी आत्मा का हाते मलन गवई देवे हे के, आपाँ परमेसर की ओलाद हा।

रोमियों 8:19

काँके ओ जग घणी आसऊँ वीं टेम को वाट नाळरियो हे, जद्याँ परमेसर आपणी ओलाद परगट करी।

1 कुरिन्थियों 6:6

कई एक भई कदी आपणाँ दूजाँ विस्वासी भई पे मुकदमो करे हे? पण थाँ तो आपणी बाताँ को फेसलो अविस्वासी मनकाँ नकूँ करारिया हो।

2 कुरिन्थियों 13:11

हो विस्वासी भायाँ, मूँ अणा आकरी सबदा का हाते अणी कागद ने बन्द कररियो हूँ, राजी रिया करो, थाँका वेवार ने बदलो, एक-दूँजा ने हिम्मत बंदावो, सान्ती अन मेल-मिलापऊँ रो, तद्याँ परमेसर ज्यो परेम अन सान्ती का दाता हे थाँका हाते रेई।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

फिलिपियों 4:2

मूँ युदिया अन सन्तुके दुयाऊँ अरज कररियो हूँ के, परबू का गट-जोड़ का वाते एक मन रेवो।

कुलुसियों 3:13

किंका पे थाँको ओळमो वे तो एक-दूँजा ने सेण करता तका अन एक-दूँजा ने माप कर दो। जस्यान परमेसर थाँने माप करे हे वस्यानीस थाँने भी एक-दूँजा ने माप करणा छावे।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।