मत्ती 5:12 - नुवो नेम (मेवड़ी नया नियम)

¹² तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

मत्ती 5:12 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 6:16

“जद्याँ थाँ एकाणो करो, तो कपट्या के जस्यान थाँको मुण्डो लटक्यो तको ने रेवे, काँके वीं खुद को मुण्डो अस्यानई लटकान राके हे, ईंऊँ वाँने मनक एकाणो राकबावाळा भगत हमजे। मूँ थाँने हाँची केऊँ हूँ के, वणा ईंको फळ पा लिदो हे।

लूका 13:34

“ओ यरूसलेम, ओ यरूसलेम, थूँ ज्यो परमेसर का आड़ीऊँ बोलबावाळा ने मार नाके हे अन ज्यो थाँरा नके आवे हे वाँका ने भाटा मारे हे। कतरी दाण में यो छायो हो के, जस्यान कूकड़ी आपणाँ बच्या ने आपणाँ फाकड़ा का रेटे भेळा करन राके हे, मूँ भी वस्यानीस थाँरा मनकाँ ने भेळा करूँ, पण थें यो ने छायो हो।

लूका 6:23

वणी दन थाँ राजी वेन आणन्द मनाज्यो, काँके थाँका वाते परमेसर का राज में मोटो फळ हे। आद राकज्यो के, वाँका बड़ाबा भी परमेसर का आड़ीऊँ बोलबावाळा का हाते भी वस्योईस करिया करता हा।

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

थरप्या तका का काम 16:25

आदीक रात का पोलुस अन सिलास परातना कररिया अन परमेसर का वाते भजन गारिया हा। जेळ में दूजाँ ओर मनक हा वीं वाँने हुणरिया हा,

थरप्या तका का काम 5:41

अन वे थरप्या तका यहूदी सबाऊँ राजी वेन पराग्या काँके, परमेसर वाँने ईसू का नाम का वाते अपमान भोगबा का जोगा मान्याँ हे।

रोमियों 5:3

योईस ने, आपाँ तो अबकी टेम में भी गुमान करा हा। काँके आपाँ जाणा हा के, अबकी टेम धीरज ने जनम देवे हे।

1 कुरिन्थियों 3:8

बोवावाळो अन पाणी पाबावाळो दुई एक जस्या हे, पण हरेक मनक आपणाँ मेनत के जस्यान दानकी पाई।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

फिलिपियों 1:29

काँके थाँने बेस मसी पे विस्वास करबा कोईस ने पण वाँका वाते दुक जेलबा को भी मोको मल्यो हे।

फिलिपियों 2:17

थाँको विस्वास ज्यो परमेसर के चड़ी तकी बली अन सेवा के जस्यान हे, वींका वाते यद्याँ मने मारो लुई भी वेवाड़णो पड़े तद्याँ भी मूँ राजी हूँ अन थाँ हाराई का हाते खुसी मनाऊँ हूँ।

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

कुलुसियों 3:24

आद राको के, परबू आपणाँ लोगाँ का वाते ज्यो ईनाम ते कर मेल्यो हे, वो थाँने देई, काँके थाँको हाँचो मालिक मसी हे।

1 थिस्सुलुनिक्यों 2:15

जणा मनकाँ परबू ईसू ने अन परमेसर का आड़ीऊँ बोलबावाळा ने मारिया अन आपाँने हताया हाँ, अणीऊँ परमेसर घणा नाराज हे, काँके वीं हाराई का विरोद में हे।

इब्रानियों 10:34

थाँ केदी मनकाँ का दुक में भी दकी व्या हा। थाँ ओ जाणता हा के, थाँका नके अस्यान की दोलत हे ज्यो हव अन कदी नास ने वेई। ईं वाते थाँ थाँकी दोलत ने भी राजी वेन जब्त वेबा दिदी।

इब्रानियों 11:26

वींने मिसर का धन-दोलतऊँ ज्यादा मसी का हाते बेजत वेणो घणो किमती लागो, काँके वणी परमेसरऊँ मलाबावाळा ईनाम पे ध्यान लगा मेल्यो हो।

इब्रानियों 11:33

वणाके विस्वास करबा की वजेऊँ वणा राज-दरबाराँ ने जीत लिदा हा अन वणा धारमिकता का काम भी करिया हा अन ज्यो कई भी परमेसर वाँने देबा को वादो किदो हो, वो हारोई वाँने मल्यो। वणा नार का मुण्डा ने बन्द कर दिदा हा।

इब्रानियों 11:6

काँके विस्वास के बना परमेसर ने राजी ने किदा जा सके हे अन जद्याँ कुई परबू का नके आवे हे, तो वींने विस्वास करणो छावे के, वो हे, अन ज्यो वींने होदे हे, वो वींने फळ देवे हे।

याकूब 1:2

हो मारा भायाँ-बेना, जद्याँ थाँ तरे-तरे की बाताँऊँ परक्या जावो, तो राजी रेज्यो,

याकूब 5:10

हो भायाँ, थाँ परमेसर का आड़ीऊँ बोलबावाळा ने आद राको, जीं परबू का नामऊँ बोलता हा। वणा आपणाँ वाते दुक जेल्यो अन धीरज राक्यो, वीं आपणाँ वाते नमुनो हे।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।