मत्ती 5:10 - नुवो नेम (मेवड़ी नया नियम)

¹⁰ धन्ने हे वीं, ज्यो धरम का वाते दुक भोगे हे, काँके हरग को राज वाँको हे।”

मत्ती 5:10 Iomraidhean Croise

मत्ती 10:23

वीं जद्याँ थाँने एक नगर में हतावे, तो थें दूजाँ नगर में परा जाज्यो, मूँ थाँने हाचेई केवूँ हूँ के, थाँ इजराएल का हाराई नगराँ में ने जावो वतरे मनक को पूत पाछो आ जई।

मत्ती 19:14

पण ईसू क्यो, “छोरा-छोरी ने मारा नके आबा दो, अन अणाने तापड़ो मती, काँके हरग को राज अस्याईस को हे।”

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

मत्ती 5:3

“धन्ने हे वीं ज्यो हरदाऊँ गरीब हे, काँके हरग को राज वाँकोइस हे।

मरकुस 10:14

जदी ईसू यो देक्यो, तो वाँने घणी रीस अई। पछे वणा चेला ने क्यो, “फोरा-फोरा बाळकाँ ने मारा नके आबा दो। वाँने रोको मती, काँके परमेसर को राज अस्या कुईस हे।

मरकुस 10:30

वींने ईं जमारा मेंऊँ हो गुणा हेला घर-बार, भई-बेन, बई, छोरा-छोरी अन खेत-कूड़ा ने मली, पण हताव का हाते आबावाळा जमाना में अनंत जीवन मली।

लूका 21:12

पण, अणा हारी बाताँऊँ पेल्याँ वीं मारा नाम का पाच्छे चालबा की वजेऊँ थाँने पकड़ी अन हताई अन यहूदियाँ का परातना घर में हूँपी अन जेल में नाक देई अन राजपाल अन अदिकारियाँ का हामें ऊबा करी।

लूका 22:29

जस्यान मारा परम बापू मने दिदो हे, वस्यानीस मूँ थाँने राज करबा को अदिकार देरियो हूँ,

लूका 6:20

तद्याँ ईसू आपणाँ चेला ने देकन क्यो, “धन्ने हो थाँ, जी गरीब हो, काँके परमेसर को राज थाँकोईस हे।

लूका 6:22

धन्ने हो थाँ, जद्याँ मूँ, मनक का पूत का मस लोग-बाग थाँकाऊँ दसमणी राकी, अन थाँने बारणे काड़्या जाई अन थाँने लाजा मारिया जाई, थाँने बुरा मानन थाँने नट जाई।

यहुन्ना 15:20

ज्यो बाताँ में थाँकाऊँ किदी ही के, दास आपणाँ मालिकऊँ मोटो ने वेवे हे। वाँने आद राकज्यो। यद्याँ वणा मने हतायो हे, तो थाँने भी हताई। यद्याँ वणा मारी बाताँ मानी, तो थाँकी भी मानी।

थरप्या तका का काम 5:40

अन थरप्या तका ने मयने बलान वाँके चामट्याँ लगाया अन हुकम दिदो के, ईसू का नाम में कई मत किज्यो, पछे वाँने छोड़ दिदा हा।

थरप्या तका का काम 8:1

अस्यान साउल इस्तीपनुस की हत्या में मदत किदी। वणीस दनऊँ यरूसलेम की विस्वास्याँ की मण्डली पे घणो हताव वेबो सरू वेग्यो। थरप्या तका ने छोड़न वे हारई विस्वासी यहूदियाँ अन सामरिया का हिमाड़ा में वखर ग्या।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

फिलिपियों 1:28

अन कस्यी भी बात में थाँ थाँका दसमणाऊँ दरपो मती। ओ ईं बात ने साबत करे के, थाँ तो बंच जावो अन वाँको नास वे जाई, ओ परमेसर का आड़ीऊँ हे।

2 तिमुतियूस 2:12

जद्याँ आपाँ धीरज का हाते दुक जेलरिया, तो आपाँ वींके हाते राज भी कराँ। यद्याँ आपाँ वींका आड़ीऊँ मुण्डो फेर लेवा, तो वीं भी आपाऊँ मुण्डो फेर लेई।

याकूब 1:12

वो मनक धन्न हे, ज्यो परक्यो जाबा की टेम में अटल रेवे हे, काँके वो परकबा का केड़े वो खरो मनक बणन, वो जीवन को मुकट पाई, जिंने परमेसर आपणाँ परेम करबावाळा ने देबा का वाते राक वादो कर मेल्यो हे।

याकूब 5:11

देको, आपाँ धीरज राकबावाळा ने धन्न हमजा हा। थाँ अयुब का धीरज का बारा में तो हुण्योईस हे अन परबू वींने वींको ज्यो फळ दिदो हो, यो थाँ तो जाणोइस हो, काँके परबू तरस अन दया करबावाळा हे।

1 यहुन्ना 3:12

आपाँने केन का जस्यान ने वेणो हे, ज्यो सेतान का आड़ीऊँ हो, जणी आपणाँ भई ने मार दिदो हो। काँके वींके भई का काम धरम का हा अन केन का काम बुरा हा, ईं वजेऊँ वणी वींने मार नाक्यो।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।