मत्ती 4:23 - नुवो नेम (मेवड़ी नया नियम)

²³ ईसू हाराई गलील देस में यहुदया का परातना घर में हरग का राज को हव हमच्यार को उपदेस देतो अन तरे-तरे का रोगा ने हव करतो तको फरबा लागो।

मत्ती 4:23 Iomraidhean Croise

मत्ती 11:5

आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे।

मत्ती 12:9

ईसू वटेऊँ चालन यहूदियाँ का परातना घर में आया।

मत्ती 13:19

गेला का कनारे पड़्या तका बीज वणा मनकाँ का जस्या हे जीं ओ तो हुणे हे के, परमेसर कस्यान लोगाँ का मन पे राज करे हे पण वीं वींने हमजे कोयने। अन पछे सेतान आवे अन ज्यो बाताँ वणा हूणी ही वणा हारी बाताँ ने भुलई देवे हे।

मत्ती 13:54

अन आपणाँ नगर नासरत में आन यहूदी परातना घर में अस्यो उपदेस देबा लागो के, मनक अचम्बा में पड़न केबा लागा, “ईंने अस्यी अकल अन तागत का काम करबा की सगती कटूँ मली?

मत्ती 14:14

जद्याँ ईसू नावऊँ बारणे आया तो वणा एक मोटी भीड़ देकी तो वाँने वाँका पे दया आगी अन माँदा मनकाँ ने हव किदा।

मत्ती 24:14

अन हरग राज को ओ हव हमच्यार हारई दनियाँ का हारी जात्या का वाते गवई का रूप में परच्यार किदो जई, तद्याँ अंत आ जई।

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मत्ती 9:35

ईसू हारई नगराँ अन गामाँ में जाता अन वाँका परातना घर में हिकाता रिया अन परमेसर का राज का हव-हमच्यार को परच्यार करता रिया अन हारी मांदकी अन कमजोरियाँ ने छेटी करता रिया।

मरकुस 1:14

ईंका केड़े जद्याँ यहुन्ना ने जेळ में बन्द कर नाक्यो हो, पछे ईसू गलील में आया अन वटे परमेसर का हव हमच्यार को परच्यार करबा लागा।

मरकुस 1:21

अन वे हंगळा कफरनूम नगर में ग्या, पछे आगले आराम के दन ईसू यहूदियाँ का परातना घर में पूग्या अन मनकाँ ने उपदेस हुणाबा लागा।

मरकुस 1:39

तो अस्यान वीं गलील में हंगळी जगाँ यहूदियाँ का परातना घर में परच्यार करता अन मनकाँऊँ हुगली आत्माने बारणे निकाळता रिया।

मरकुस 3:10

अबे रूँकड़ा की जड़ा काटबा का वाते कराड़ो मेल्यो ग्यो हे। जीं रूँकड़ा हव फळ ने देई वाँने काट्या जाई अन वादी में नाक दिदो जाई।

मरकुस 6:2

जद्याँ आराम को दन आयो, तो वणा यहूदियाँ का परातना घर में उपदेस देणो सरू कर दिदो। वटे घणा मनक हा, ज्यो वाँकी बाताँ हुणन अचम्बा में पड़ग्या। तद्याँ वीं बोल्या, “ईंने ईं बाताँ कटूँ मली हे? आ कस्यी अकल हे, ज्यो ईंने मली हे? यो अस्या अचम्बावाळा काम कस्यान करे हे?

मरकुस 6:6

लोगाँ ने विस्वास ने करता देकन ईसू ने घणो अचम्बो व्यो। पछे ईसू गामाँ में ग्यो अन च्यारूँमेर उपदेस देतो रियो।

लूका 10:9

वटा का माँदा मनकाँ ने हव करो अन वाँने केज्यो के, ‘परमेसर को राज थाँका बचमें आ पूग्यो हे।’

लूका 13:10

आराम का दन ईसू एक परातना घर में उपदेस देरिया हा।

लूका 16:16

“मूसा का नेम अन परमेसर का आड़ीऊँ बोलबावाळा की बाताँ को परच्यार यहुन्ना बतिस्मा देबावाळा की टेम तईं व्यो, ईंका केड़े परमेसर का राज का हव हमच्यार को परच्यार व्यो अन नरई मनक परमेसर का राज में आबा का वाते खुब मेनत करिया हे।

लूका 20:1

एक दन अस्यो व्यो के, जद्याँ ईसू मन्दर में लोग-बागाँ की भीड़ ने उपदेस देरिया हा अन हव हमच्यार हुणारियो हा। तो वटे मुक्य याजक, मूसा का नेमा ने हिकाबावाळा अन दाना यहूदी नेता आन ऊबा वेग्या।

लूका 4:14

ईसू पुवितर आत्मा की तागतऊँ भरन गलील में आया अन वटे वाँकी बाताँ अड़े-भड़े हारीई परदेस में फेलगी।

लूका 5:17

एक दन अस्यो व्यो के, ईसू उपदेस देरिया हा अन वटे फरीसी अन यहूदी धरम गरू बेटा तका हा। वीं गलील, यहूदा परदेस की हंगळी जगाँऊँ अन यरूसलेमऊँ आया तका हा। माँदा ने हव करबा का वाते परबू परमेसर की तागत ईसू का हाते ही।

लूका 6:17

जद्याँ ईसू थरप्या तका चेला का हाते मंगराऊँ उतरन छापर में आया, तद्याँ वटे वाँका चेला की मोटी भीड़ ही। अन वटे वाँने हुणबा अन आपणी बिमारियाँऊँ हव वेवा का वाते नरई मनक भेळा व्या, ज्यो सूर अन सेदा का समन्द कनाराऊँ अन यहुदया अन यरूसलेमऊँ आया हा। अन हुगली आत्माऊँ हताया तका लोग-बाग भी हव करिया जाता हा।

लूका 6:6

अन अस्यो व्यो के, कणी दूजाँ आराम का दन में वीं परातना घर में जान उपदेस देबा लागा अन वटे एक मनक हो, जिंको जीमणो हात रियो तको हो।

लूका 7:21

वणीस दाण ईसू घणा माँदा अन दकी मनकाँ ने हव किदा, नरई ने हुगली आत्माऊँ छुड़ाया अन घणा आंदा ने देकता किदा।

लूका 7:22

अन वणी वाँकाऊँ क्यो, “ज्यो कई थाँ देक्यो हे अन हुण्यो हे, जान यहुन्नाऊँ केवो के, आंदा देकबा लागा हे, लंगड़ा चालबा-फरबा लागा हे, कोड़्या को कोड़ मटायो जारियो हे, बेरा हुणबा लागा हे, मरिया तका पाच्छा जीवता वेरिया हे, अन गरीब मनकाँ ने हव हमच्यार हुणायो जारियो हे।

लूका 8:1

ईंका केड़े ईसू नगर-नगर अन गामाँ-गामाँ में परमेसर का राज को हव हमच्यार हुणाता तका फरबा लागा। अन वीं थरप्या तका बारा चेला भी वाँका हाते हा।

लूका 9:11

ईं बात को पतो लोगाँ ने पड़ग्यो तो हाराई लोग वाँके पाच्छे चालबा लागग्या। ईसू वाँकी आवभगत किदी अन परमेसर का राज की बाताँ बताबा लागग्या। ज्यो मनक हव वेणा छारिया हा वाँने ईसू हव किदा।

लूका 9:60

ईसू वणीऊँ क्यो, “मरिया तका ने आपणाँ मरिया तका ने गाड़बा दो। पण, थूँ जा अन परमेसर का राज का बारा में परच्यार कर।”

यहुन्ना 18:20

ईसू वाँने क्यो, “में हाराऊँ खुलन बाताँ किदी। में परातना घर अन मन्दर में, जटे हारई मनक भेळा व्या करता हा। वटे हरदाण हिक दिदी अन छाने कई भी ने क्यो।

यहुन्ना 6:59

ईं हारी बाताँ ईसू कफरनूम नगर का एक परातना घर में किदी ही।

यहुन्ना 7:1

ईंका केड़े पछे ईसू गलील में जातरा किदी। वो यहूदियाँ परदेस में जाणो ने छावतो हो, काँके यहूदी अदिकारी वींने मारबा की कोसीस कररिया हा।

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 18:4

वीं हरेक सबद का दन यहूदियाँ के परातना घर जाईन, यहूदियाँ अन युनानियाँऊँ बात-बच्यार करता हा अन वाँने मनाबा की कोसीस करता हा।

थरप्या तका का काम 20:25

अबे देको, मूँ जाणूँ हूँ के, थाँका बचमें में परमेसर का राज को परच्यार किदो हे, पण अबे थाँकामूँ कुई भी अन कदी भी मने ने देक सकी।

थरप्या तका का काम 28:31

वो खुलेआम अन बना रोक-टोक परमेसर का राज को परच्यार करतो रियो अन परबू ईसू मसी की बाताँ हिकातो रियो।

रोमियों 10:15

अन हुणाबावाळा ने खन्दावाँ, तो वीं कस्यान हुणा सकी? जस्यान के सास्तर में लिक्यो हे, “हव हमच्यार हुणाबावाळा का पग करता हुवावणा हे।”