मत्ती 3:12 - नुवो नेम (मेवड़ी नया नियम)

¹² वींका हाताँ में वींको हुपड़ो हे जणीऊँ वो धानऊँ हुंकला ने अलग करी अन आपणाँ खेत मेंऊँ होजा किदो तका गव भेळा करन, कोठा में भरी अन हुंकला ने वीं वादी में बाळी, ज्याँ कदी ने बजे हे।”

मत्ती 3:12 Iomraidhean Croise

मत्ती 13:30

दुयाँ ने लारे मोटा वेबा दो अन हाक काटबा की टेम में मूँ काटबावाळा केऊँ के, पेली वीं चारा ने बालबा का वाते काटी ले अन पछे खळा में गव भेळा करबा का वाते काटे।’”

मत्ती 13:41

मनक को पूत हरग-दुताँ ने अदिकार का हाते खन्दाई, अन वीं च्यारूँमेरऊँ वणा हाराई मनकाँ ने भेळा करी जीं दूजाँ मनकाँ ने पाप में नाके हे अन वाँने ज्यो परमेसर की आग्या ने माने हे

मत्ती 13:42

अन वाँने वादी का कूण्ड़ा में नाकी, जटे रोणो अन दाँत पीसणो वेई।

मत्ती 13:43

वी टेम में धरमी मनक आपणाँ बाप का राज में सुरज का जस्यान ऊजासो देई। जिंके हुणबा का वाते कान्दड़ा वे वीं हुणे।

लूका 3:16

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

लूका 3:17

वींको छाणो वींका हाताँ में हे अन वो आपणाँ खळा ने हव तरियाऊँ साप करी। वो धान ने बकारी में नाकी पण, डन्कळ्याँने कदी ने बजबा वाळी वादी में बाळ देई।”

यहुन्ना 15:2

ज्याँ डाळी मारा में हे अन फळ ने लावे हे, वो वींने काट नाके हे अन ज्या फळ देवे हे, वींने वो छांगे हे, ताँके वाँ साप वे सके अन ओरी फळ लावे।