मत्ती 28:6 - नुवो नेम (मेवड़ी नया नियम)

⁶ वो अटे ने हे, पण आपणाँ बचना का बताया जस्यान जी उट्यो हे। आवो, वा जगाँ देको, जटे वींकी लास राकी ही।

मत्ती 28:6 Iomraidhean Croise

मत्ती 12:40

योनो तीन दनाँ तईं माछळी का पेट में रियो, वस्यानीस मनक को पूत तीन दन पाताळ में रेई।

मत्ती 16:21

वीं टेमऊँ ईसू आपणाँ चेला ने बतावा लागो, “जरूरी हे के, मूँ यरूसलेम जऊँ, अन मूसा का नेमा हिकाबावाळा, यहूदी नेता अन मुक्या याजकाँ का हाताऊँ नरई दुक उठाऊँ, अन मार नाक्यो जऊँ, अन तीजे दन पाछो मरिया तका मेंऊँ जी उटूँ।”

मत्ती 17:23

वीं वींने मार नाकी, अन वो तीजे दन जी उटी।” ईंऊँ वीं चेला घणा दकी वेग्या।

मत्ती 17:9

जद्याँ वीं मंगराऊँ रेटे उतरिया हाँ तद्याँ ईसू वाँने ओ क्यो, “जद्याँ तई मनक को पूत मरिया तकाऊँ ने जी उटी, तद्याँ तईं ज्यो कई थाँ देक्यो हे किंने भी मती किज्यो।”

मत्ती 20:19

अन वींने ज्यो यहूदी ने हा वाँका हाताँ में हूँपी के, वीं वींकी रोळ करी, वीं वींके कोड़ा मारी अन हूळी पे चड़ाई, अन वो तीजे दन जिवायो जाई।”

मत्ती 27:63

“हो माराज, माने आद हे के, वो भटकबावाळो जद्याँ वो जीवतो हो, तो वणी क्यो हो के, ‘मूँ तीन दनाँ केड़े पाछो जी उटूँ।’

मरकुस 16:6

पछे वीं मोट्यार वाँने क्यो, “दरपो मती, थें ज्यो ईसू नासरत नगर को रेबावाळो हो, जिंने थाँ होदरी हो, जिंने हूळी पे चड़ायो हो, वो जीवतो वेग्यो हे। वो अटे कोयने हे। ईं जगाँ ने देको, जटे वींने मेल्यो हो।

मरकुस 8:31

अन वो वाँने हिकाबा लागो, “मनक का पूत(ईसू) ने घणो दुक जेळणो पेड़ी अन पंच, मोटो याजक अन मूसा का नेमा ने हिकाबावाळाऊँ वो भुला दिदो जाई अन हाँची में वो मारियो जाई अन पछे तीजे दन वो मरयाँ तका मूँ जीवतो वे जाई।”

लूका 24:12

तद्याँ पतरस उटन कबर का आड़ी दोड़्यो अन वणी कबर में छाकन देक्यो के, तो वटे धोळा चादरो पड़्या हा ओर कई ने हो। पसे वटे ज्यो भी वणी देक्यो वींमें अचम्बो करतो तको आपणाँ घरे परोग्यो।

लूका 24:23

पण जद्याँ वाँने वींकी लास वटे ने मली, तो वीं ओ केती तकी अई के, माँ हरग-दुत का दरसण किदा अन वणा दुताँ माँने क्यो के, ‘ईसू पाछो जीवतो वेग्यो हे।’

लूका 24:44

पसे ईसू वाँकाऊँ क्यो, “ईं मारी वीं बाताँ हे, जद्याँ मूँ थाँके हाते रेते तके थाँकाऊँ क्यो हो। जतरी बाताँ मूसा के नेमा में अन परमेसर का आड़ीऊँ बोलबावाळा अन भजनाँ की किताब में मारा बारा में लिकी तकी हे, वीं हारी पुरी वेणीईस हे।”

यहुन्ना 10:17

“बापू परमेसर माराऊँ ईं वाते परेम करे हे, काँके मूँ मारी मरजीऊँ मारो जीव देबा का वाते त्यार रेवूँ हूँ, ताँके मने मारो जीवन पाछो मल सके।

यहुन्ना 2:19

ईसू वाँने जवाब दिदो, “ईं मन्दर ने धड़ा दो, मूँ ईंने तीन दनाँ में पाछो बणा देऊँ।”

थरप्या तका का काम 2:24

पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके।