मत्ती 27:32 - नुवो नेम (मेवड़ी नया नियम)

³² बारणे जाती दाण वाँने समोन नाम को एक कुरेन को रेबावाळो मनक मल्यो वणा वींने पकड़्यो अन जोर नाक्यो के, वो ईसू की हूळी उठान चाले।

मत्ती 27:32 Iomraidhean Croise

मत्ती 16:24

तद्याँ ईसू आपणाँ चेलाऊँ क्यो, “यद्याँ कुई मारा पाच्छे आणो छावे, तो आपणाँ खुद ने नटे अन आपणी हूळी उठावे, अन मारा पाच्छे वेजा।

मत्ती 5:41

ज्यो कुई थाँने जबरदस्ती आपणो सामान तोकान एक कोस चलावे तो थाँ वाँका हाते दो कोस परा जाज्यो।

मरकुस 15:21

वाँने कुरेन को रेबावाळो सिमोन नाम को एक मनक गेला में मल्यो, वो गाममूँ नगर में आरियो हो। वो सिकन्दर अन रूपूस को बाप हो। सपायाँ वींने दरपान क्यो के, वो ईसू की हूळी तोकन चाले।

लूका 23:26

जद्याँ वीं मनक ईसू ने लेन जारिया हा, तो वणा समोन नाम को एक कुरेनी ने गामऊँ आवतो तको देक्यो। वणा वींने पकड़न वींका खाँदा ऊपरे हूळी मेल दिदी, ताँके वो ईसू का पाछे-पाछे चाले।

यहुन्ना 19:17

अन ईसू आपणी हूळी उठातो तको वीं जगाँ पे ग्यो ज्या “कपाळ की जगाँ” केवाती ही अन इबरानी भासा में “गलगता” केवाती ही।

थरप्या तका का काम 11:20

सायरस अन कुरेन का थोड़ाक विस्वासी लोग अन्ताक्या में आया अन ज्यो यहूदी ने हा, वाँ लोगाँ ने परबू का हव हमच्यार हुणाबा लागा।

थरप्या तका का काम 13:1

अन्ताक्या का विस्वास्याँ की मण्डली में परमेसर का आड़ीऊँ बोलबावाळा अन हिकाबावाळा हा, बरनबास अन समोन जो नीगर केवावे हे, अन कुरेन को लुकियुस, देस का चोता हिस्सा को राजपाल हेरोदेस की लारे पळ्या-बड़्या मनाएन अन साउल जस्या नरई हिकाबावाळा हा।

थरप्या तका का काम 2:10

फ्रिग्या अन पंपिलिया, मिसर अन सायरस नगर के भड़े का लिबिया परदेस का मनक, रोमऊँ आया जातरी हे।

थरप्या तका का काम 6:9

पण, आजाद नाम की एक मण्डली का मनक केवाया जो एक यहूदी परातना करबा के घर का मनक कुरेन, सिकन्दरिया, किलिकिया नगर अन आसिया परदेसऊँ आया यहूदी हाँ, वीं वींको विरोद करता तका बात-बच्यार करबा लागा।

थरप्या तका का काम 7:58

वे वींने धक्का-मुक्की देता तका नगरऊँ बारणे लाया अन वींपे भाटा फेंकबा लागा। वीं दाण गवायाँ आपणाँ जब्बो उतारन साउल नाम का मनक के पगाँ में मेल दिदा।