मत्ती 27:19 - नुवो नेम (मेवड़ी नया नियम)

¹⁹ जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

मत्ती 27:19 Iomraidhean Croise

मत्ती 1:20

जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे।

मत्ती 2:19

हेरोदेस के मरिया केड़े परबू के हरग-दुत मिसर में युसुप के हपना में आन क्यो, “उठ, अन बाळक अन वींकी माँ ने लेन इजराएल देस में परोजा, काँके ज्यो बाळक ने मारणो छातो हो, वो तो मरग्यो हे।”

मत्ती 2:22

पण, युसुप यो हुणन के अरखिलाउस आपणाँ बाप हेरोदेस की जगाँ राज कररियो हे, तो वो वटे जाबाऊँ दरपग्यो, पछे पाच्छी हपना में परमेसर की आग्या हुणन गलील परदेस में परोग्यो।

मत्ती 27:18

काँके वो जाणतो हो के, वणा ईसू ने रिस्याँ बळता तका पकड़वायो हे।

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

मत्ती 27:4

अन क्यो, “में बना दोस का मनक ने मारबा का वाते पकड़ान पाप किदो!” तो वाँकाणी क्यो, “माँने कई? थूँ थारी जाणे।”

लूका 23:41

अन आपाँ तो न्यावऊँ सजा पई, काँके आपाँ तो आपणाँ काम को फळ पारिया हा, पण अणी तो कई बुरो ने किदो हे।”

लूका 23:47

वटे ज्यो कई व्यो हो वींने देकन सपायाँ को हाकम ओ केन परमेसर की बड़ई किदी के, “हाँची में ओ मनक धरमी हो।”

यहुन्ना 19:13

ईं बाताँ हुणन पिलातुस ईसू ने बारणे लायो अन वटे न्याव की गाद्दी पे बेटग्यो, वीं जगाँ ने भाटो को चबुतरो भी केता हो। जिंने इबरानी भासा में “गब्बता” भी केता हा।

थरप्या तका का काम 12:21

एक ते किदा तके दन हेरोदेस राज-दरबारी गाबा पेरन गाद्दी पे बिराजो तको मनकाँ ने भासण देबा लागो।

थरप्या तका का काम 18:12

जदी गलिया नाम को अखाया देस को राजपाल बण्यो, यहूदी लोगाँ एगट करन पोलुस ने पकड़ लिदो, अन वींने न्याव-गादी का हामे लाया

थरप्या तका का काम 18:16

अन वणी वाँ हाराई ने न्याव-गादी का हामेऊँ बारणे खन्दा दिदा।

थरप्या तका का काम 18:17

तद्याँ हंगळा लोगाँ परातना घर का मुक्या सोस्तिनेस ने पकड़न न्याव-गादी का हामे कुट्यो, पण राजपाल गलिया ईं बाताँ ने मन में ने लिदी।

थरप्या तका का काम 25:10

पोलुस क्यो, “मूँ अबाणू रोम का राजा केसर के राजिपो करबावाळी गादी का हामे ऊबो हूँ, जटेइस मारो न्याव वेणो छावे। ईं बात ने थूँ हव तरियाऊँ जाणे हे के में यहूदियाँऊँ कई खोटो ने किदो हे।

थरप्या तका का काम 25:17

ईं वाते जद्याँ वीं अटे भेळा व्या, तो में मोड़ो ने किदो, पण दूजे दनईस न्याव की गादी पे बेटन वीं मनक ने अटे लाबा को हुकम दिदो

थरप्या तका का काम 25:6

वटे वो नो दस दन रेन केसरिया परोग्यो, अन दूजे दन राजिपो करबावाळी गादी पे बेटन पोलुस ने वटे लाबा को हुकम दिदो।

1 पतरस 2:22

सास्तर में लिक्यो तको हे के, “वणी कई पाप ने किदो हो अन नेई वाँका मुण्डाऊँ धोका की बाताँ निकळी।”

1 यहुन्ना 2:1

हो मारा प्यारा बाळकाँ, मूँ थाँने ईं बाताँ ईं वाते लिकूँ हूँ के, थाँ पाप ने करो। पण ज्यो मनक गलतीऊँ पाप कर नाके हे, वाँका पाप धोवा का वाते आपणी मदत करबा का वाते धरमी ईसू मसी, बापू परमेसर का हाते बेट्या तका हे।