मत्ती 26:11 - नुवो नेम (मेवड़ी नया नियम)

¹¹ गरीब-भिकारी तो थाँका नके हमेस्यान रेवे हे, पण मूँ थाँका हाते ने रेऊँ।

मत्ती 26:11 Iomraidhean Croise

मत्ती 18:20

काँके जटे दो कन तीन मारा नाम पे भेळा वेवे हे, वटे मूँ वाँका वसमें वेऊँ हूँ।”

मत्ती 26:10

ओ जाणन ईसू वाँने क्यो, “लुगई ने काँ परेसान करो हो? वणी तो मारा वाते हव किदो हे।

मत्ती 28:20

अन वाँने हारी बाताँ ज्यो में थाँने क्यो हो, वाँने मानबा हिकावो। आद राकज्यो, मूँ दनियाँ का अंत तईं हमेस्यान थाँका हाते हूँ।”

मरकुस 14:7

गरीब मनक तो रोज थाँकी लारे रेवे। ईं वाते हर-कदी थें वाँकी मदत कर सको हो। पण, मूँ थाँकी लारे रोज ने रेऊँ।

यहुन्ना 12:8

काँके गरीब तो थाँका लारे हरदाण रेई, पण मूँ थाँका हाते हमेस्या तईं ने रेऊँ।”

यहुन्ना 13:33

“हो मारा प्यारा बाळकाँ, मूँ थाँका लारे थोड़ीक देर तईं हूँ, थें मने होदो अन जस्यान में यहूदी अदिकारियाऊँ क्यो हे, वस्यानीस मूँ थाँकाऊँ भी केवूँ हूँ, ‘जटे मूँ जारियो हूँ वटे थाँ ने जा सको।’

यहुन्ना 14:19

अन थोड़ीक टेम रेग्यो हे पछे ईं दनियाँ में कुई मने ने देकी पण थाँ मने देको। काँके मूँ जीवूँ हूँ अन थाँ भी जीवो।

यहुन्ना 16:28

हा, मूँ परमेसर का आड़ीऊँ ईं दनियाँ में आयो अन अबे ईं दनियाँ ने छोड़न बापू का नके जारियो हूँ।”

यहुन्ना 16:5

अबे मारी टेम आगी हे के, मूँ मने खन्दाबावाळा का नके जाऊँ हूँ अन थाकामूँ कई माराऊँ ने पुच्छे के, ‘थूँ कटे जारियो हे?’

यहुन्ना 17:11

मूँ अबे दनियाँ में ने रेऊँ, पण ईं हाराई दनियाँ में रेई, अन मूँ थाँका नके आवूँ हूँ। हो पवितर बापू आपणाँ वीं नाम की तागतऊँ ज्यो थाँ मने दिदो हे, वाँकी रुकाळी करो, ताँके वीं हाराई आपणे जस्यान एक वे सके।

थरप्या तका का काम 3:21

मसी ने वीं दाण तईं हरग में रेणो पेड़ी, जतरे वीं हारी बाताँ परमेसर पेल्याँ के जस्यान कोयने कर दे, जिंका बारा में नरई पेल्याँ परमेसर आपणाँ आड़ीऊँ बोलबावाळा पुवितर मनकाँ का मुण्डाऊँ बतायो हो।

गलातियों 2:10

वणा माँने बेस ओ क्यो के, माँ गरीबा को ध्यान राका अन अणी काम का वाते तो मूँ खुद भी घणी कोसीस करूँ हूँ।

1 यहुन्ना 3:17

अगर थाँकामूँ किंने कणी चीज की जरूत वेवे अन थाँकापाँ वाँ चीज वेता तकाँ भी थाँ वींकी मदत ने करो। तो आपाँ कस्यान के सका हाँ के, आपाँ में परमेसर को परेम हे।