मत्ती 24:9 - नुवो नेम (मेवड़ी नया नियम)

⁹ “तद्याँ वीं हताबा का वाते थाँने पकड़वाई, अन थाँने मार नाकी, अन मारा नाम का मस हारई जात्या का लोग-बाग थाँकाई दसमणी राकी।

मत्ती 24:9 Iomraidhean Croise

मत्ती 22:6

अन कणी तो वींका नोकराँ ने पकड़न वाँने कुट्या अन वाँकी हत्या कर दिदी।

मत्ती 23:34

ईं वाते देको, मूँ थाँका नके परमेसर का आड़ीऊँ बोलबावाळा अन अकलमन्द अन गरुवा ने खन्दाऊँ हूँ अन वणा मूँ करता ने तो मार नाको अन हूळी चड़ावो, अन किंने आपणाँ परातना घर में कोड़ा मारो अन एक नगरऊँ दूजाँ नगर दोड़ता फरो हो।

लूका 11:49

ईं वाते परमेसर को ग्यान भी केवे हे के, ‘मूँ वाँका नके परमेसर का आड़ीऊँ बोलबावाळा अन खन्दाया तका ने खन्दाऊँ। पसे वीं वाकामूँ वीं करता ने तो मार नाकी अन नरई ने हताया करी।’

लूका 21:12

पण, अणा हारी बाताँऊँ पेल्याँ वीं मारा नाम का पाच्छे चालबा की वजेऊँ थाँने पकड़ी अन हताई अन यहूदियाँ का परातना घर में हूँपी अन जेल में नाक देई अन राजपाल अन अदिकारियाँ का हामें ऊबा करी।

यहुन्ना 15:18

“यद्याँ दनियाँ थाँकाऊँ दसमणी राके हे तो थाँ जाणो हो के, वाँ थाँकाऊँ पेल्या माराऊँ दसमणी राके हे।

यहुन्ना 15:21

पण वीं यो हारोई मारा नाम का मस थाँका हाते करी, काँके वणा मने खन्दाबावाळा ने ने ओळक्यो हो।

यहुन्ना 16:2

वीं थाँने परातना घरऊँ बारणे काड़ देई, पण वा टेम आई जद्याँ कुई थाँने मार नाकी, अन अस्यान करन वी हमजी के, ‘आपाँ परमेसर की सेवा कररिया हे।’

थरप्या तका का काम 28:22

पण थारो बच्यार कई हे? वो माँ थाँराऊँ हूणबो छारिया हा, काँके माँ जाणा हा के हरेक जगाँ अणी पन्त का विरोद में बाताँ वेवे हे।”

थरप्या तका का काम 7:59

अन वे इस्तीपनुस पे भाटा फेंकताई रिया, जद्याँ वो ओ केतो तको परातना किदी, “ओ परबू ईसू, मारो जीव लेलो।”

1 पतरस 4:16

पण यद्याँ थाँ एक मसी विस्वासी वेबा की वजेऊँ दुक जेलो हो, तो थाँने हरमा मरबा की कई जरूत ने हे, पण थाँने तो ईं काम की वजेऊँ परमेसर की मेमा करणी छावे।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 7:14

में वणीऊँ क्यो, “हे मालिक, थाँ तो जाणोई हो।” तो वणा माराऊँ क्यो, “ईं वीं मनक हे जी कळेस जेलन आया हे अन अणा आपणाँ गाबा ने उन्याँ का लुईऊँ धोन धोळा किदा हे।