मत्ती 24:7 - नुवो नेम (मेवड़ी नया नियम)

⁷ एक देस दूजाँ देसऊँ लड़ेलो अन एक राज दूजाँ राज पे चड़ई केरी। कई जगाँ भूकम आई अन काळ पेड़ी। अस्यान दुक अन पिड़ा की सरुआत वेई।

मत्ती 24:7 Iomraidhean Croise

लूका 21:11

अन मोटा-मोटा भूकम आई अन जगाँ जगाँ काळ अन तरे-तरे की बीमारियाँ वेई अन बादळाऊँ गजब-गजब की बाताँ वेई अन मोटा-मोटा दरप का हेन्याण दिकी।

थरप्या तका का काम 11:28

वाँका मूँ अगबुस नाम को एक परमेसर का आड़ीऊँ बोलबावाळो ऊबो वेन परमेसर की आत्माऊँ आ आगली बतई के, आकी दनियाँ में काळ पड़बा वाळो हे, जो कलोदियुस की टेम में पड़्यो।

थरप्या तका का काम 2:19

अन मूँ आकास पे अनोका काम करूँ अन धरती पे हेन्याणी बताऊँ। वाँ दनाँ में खून, वादी अन धूवाड़ा का बादळा वेई।

इब्रानियों 12:27

अन या बात, “एक दाण ओरी” ईं बात ने परगट करे हे के, रचना किदी तकी चिजाँ मेंऊँ हालबावाळी चिजाँ नास किदी जाई, जणीऊँ ज्यो चिजाँ हाली कोनी, बेस वींइस अटल रेई।

परकासितवाक्य 6:12

वींके केड़े जद्याँ उन्ये छटी मोर खोली, तो में जोरको भूकम आता देक्यो, जणीऊँ सुरज केलड़ी का पिदा जस्यान काळो अन चाँद लुई की जस्यान रातो वेग्यो।

परकासितवाक्य 6:5

जद्याँ उन्ये तीजी मोर खोली, तो में वणी तीजा जीवता जीव ने अस्यान बोलतो हुण्यो, “आ।” पछे में एक काळा घोड़ा ने देक्यो। जो वींपे सवार हो, वींके हात में एक ताकड़ी ही।

परकासितवाक्य 6:6

अन में वणा च्यारई जीवता जीव का बचमें मेंऊँ ओ हेलो हुण्यो, “आबावाळा टेम में धरती पे काळ पड़ी, वीं टेम में एक दन की दानकी में एक दन का खावा अतराक गऊँ कन एक दन की दानकी में तीन दनाँ खावा अतराक जो मली, पण जेतुन का तेल अन अंगूरा को रस को भाव ने बदली।”

परकासितवाक्य 6:8

अन में फिका पीळा रंग को घोड़ा देक्यो। ज्यो वींपे सवार हो वींको नाम मोत हो, वींके पाछे-पाछे पाताळ हो वींने धरती का एक चोता भाग पे हक दिदो ग्यो के, वो तरवारऊँ, काळऊँ, मांदकीऊँ अन धरती का जनावराऊँ मनकाँ ने मरावे।