मत्ती 24:39 - नुवो नेम (मेवड़ी नया नियम)

³⁹ अन जळ-परलय आन वीं हारई ने डुबा दिदा, तद्याँ तईं वाँने कई भी पतो ने पड़यो। वस्यानीस मनकाँ का पूत को भी आवणो वेई।

मत्ती 24:39 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 24:3

जद्याँ ईसू जेतुन का मंगरा पे बेट्या तका हा, तो चेला अकेला वाँका नके आन क्यो, “माने बता के, ईं बाताँ कदी वेई? थाँके आबा को अन जग का अन्त को कई हेन्याण वेई?”

मत्ती 24:30

“वीं टेम मनक का पूत का आबा को हेन्याण आकास में परगट वेई। तद्याँ धरती पे हारी जाता का मनक हाका-भार करी अन मनक का पूत ने तागत अन मेमा का हाते हरग का वादळा पे परगट वेता देको।

मत्ती 24:37

जस्यान नूह का दन में व्यो हो, वस्यानीस मनक का पूत को भी आणो वेई।

मत्ती 24:40

वीं टेम दो मनक खेत में वेई, एक ने ऊपरे उठा लिदो जई अन दूजाँ ने वटेई छोड़ दिदो जई।

लूका 19:44

अन थने अन थाँरा छोरा-छोरी ने जी थाँरा में हे, धुळा भेळा करी अन थाँरा में भाटा पे भाटा भी ने रबा देई। काँके, थें वणी घड़ी जद्याँ परमेसर थाँरा पे दया किदी ही तो थें ने ओळकी ही।”

यहुन्ना 3:20

ज्यो कुई बुरई करे हे, वो उजिताऊँ रिस्याँ बळे हे अन उजिता का नके ने आवे हे, काँके वो ने छावे के, वींका काम हाराई जाणे।

थरप्या तका का काम 13:41

“‘रोळ करबावाळा देको, अचम्बा में आन मर जावो, काँके थाँका जुग में एक अस्यो काम करूँ, जिंने कुई थाँने हमजाई तुई थें विस्वास ने करो।’”

रोमियों 1:28

वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

2 पतरस 3:5

पण ईं मनक जाणता तका भी भूलग्या हे के, परमेसर आपणाँ बचन की वजेऊँ आकास ने बणायो हो, जो सरुवातऊँ हे अन आ धरती पाणीऊँ बणी हे अन पाणी का ऊपरे ठमी तकी हे।