मत्ती 23:4 - नुवो नेम (मेवड़ी नया नियम)

⁴ वीं एक अस्या बोज ने जिंने तोकणो अबको हे, वींने मनकाँ का खादा पे मेले हे। पण खुद वींने आपणी आँगळीऊँ भी टेको ने देणो छावे हे।

मत्ती 23:4 Iomraidhean Croise

मत्ती 23:23

“हो कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ पोदिनो अन सोप, अन जीरा को दसमो हिस्सो तो देवो हो, पण थाँ नेमा की खास बाताँ ने छोड़ देवो हो। जस्यान के दया, अन विस्वास अन न्याव ने छोड़ दिदो हे। पण अणीऊँ तो ओ हव हो के, थाँ अणा खास बाताँने ने छोड़ता अन वणा ने भी करता रेता।

मत्ती 23:3

ईं वाते वीं थाँकाऊँ ज्यो कुई कई केवे, वो करणो अन मानणो, पण वाँका जस्यान काम मती करज्यो, काँके वीं केवे हे पण करे हे कोयने।

लूका 11:46

अणी बात ने हूँणने ईसू क्यो, “ओ मूसा का नेमा ने हिकाबावाळा थाँने धिकार हे। थाँ अस्यो बोज जिंने उठाणो भी घणो दोरो हे। मनकाँ रे ऊपरे लादो हो। पण, थाँ खुद वणी बोज के आपणी आँगळीऊँ भी टेको ने देणो छावो हो।

थरप्या तका का काम 15:10

तो अबे, थाँ काँ परमेसर की परक करो के विस्वासी पे अतरो बोज नाको के, वींने ने तो आपणाँ बापदादा अन ने आपीं तोक सका।

थरप्या तका का काम 15:28

पुवितर आत्माने अन माने बड़िया लागो के, थाँका पे जरूरी बाताँ ने छोड़न, कई ओरुँ दूजो बोज ने मेलाँ

गलातियों 6:13

काँके वीं ज्याको खतनो वेग्यो हे वीं खुद तो मूसा का नेमा को पालण ने करे हे, पछे भी वीं छावे हे के, थाँ भी खतनो करावो, ताँके थाँके अणी देह का रिवाज मानबा पे वीं मेपणो कर सके।

1 यहुन्ना 5:3

परमेसरऊँ परेम करबा को ओ मतलब हे के, आपाँ वींका आदेस मानाँ हा अन वींका आदेस मानणा अबका कोयने हे।

परकासितवाक्य 2:24

पण मूँ थुआतीरा मण्डली का वणा मनकाँ ने केणो छावूँ हूँ ज्यो वीं लुगई की हिक ने ने माने अन सेतान की भेद वाळी बाताँ ने ने जाणे। मूँ थाँका पे ओरुँ बोज ने नाकूँ।