मत्ती 22:3 - नुवो नेम (मेवड़ी नया नियम)

³ राजा जीमणा में नुत्याँ तका मनकाँ ने बलावा का वाते आपणाँ नोकराँ ने खन्दाया, पण वीं लोग-बाग ने आया।

मत्ती 22:3 Iomraidhean Croise

मत्ती 21:34

जद्याँ हाँक पाकबा की टेम वी, वाँकाणी आपणाँ थोड़ाक दासा ने वींकी हाँक को हिस्सो लेबा का वाँते हिंजारिया का नके खन्दाया।

मत्ती 23:37

“हे यरूसलेम, हे यरूसलेम! थूँ परमेसर का आड़ीऊँ बोलबावाळा की हत्या करे हे, अन ज्याँने थाँरा नके खन्दाया ग्या, वाँके थूँ भाटा की ठोके हे। कतरी दाण में बच्यार किदो के, जस्यान कूकड़ी आपणाँ बच्या ने आपणाँ फाकड़ा रेटे भेळा करे हे, वस्यानीस मूँ भी थाँरा छोरा-छोरी ने भेळा करूँ, पण थाँ ओ ने छायो।

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मत्ती 9:15

ईसू वाँकाऊँ क्यो, “ब्याव के टेम में जद्याँ तईं बींद आपणाँ जान्या का हाते हे तो कई वींका जान्या रोवणो-धोवणो करी? पण वीं दन जद्याँ बींदराजा ने वाँकाऊँ छेटी किदो जई, वीं टेम वीं एकाणो राकी।

लूका 13:34

“ओ यरूसलेम, ओ यरूसलेम, थूँ ज्यो परमेसर का आड़ीऊँ बोलबावाळा ने मार नाके हे अन ज्यो थाँरा नके आवे हे वाँका ने भाटा मारे हे। कतरी दाण में यो छायो हो के, जस्यान कूकड़ी आपणाँ बच्या ने आपणाँ फाकड़ा का रेटे भेळा करन राके हे, मूँ भी वस्यानीस थाँरा मनकाँ ने भेळा करूँ, पण थें यो ने छायो हो।

लूका 15:28

यो हुणन वो घणी रीस में आग्यो अन घर में ने जाणो छायो, पण वींका बापू बारणे आन वींने मनावा लागा।

लूका 19:27

पण, मारा वणा दसमणा ने जी ओ ने छावे हे के, मूँ वाकाँपे राज करूँ, वाँने मारा हामें लावो अन मार नाको।’ ”

यहुन्ना 5:40

पछे भी थाँ अनंत जीवन पाबा का वाते मारा नके ने आणा छावो हो।

थरप्या तका का काम 13:45

जद्याँ यहूदियाँ आ मनकाँ की भीड़ देकी, तो वे रिस्याँ बळता तका पोलुस जो भी क्यो हो, वींको विरोद करबा लागा अन खोट्याँ खाबा लागा।

रोमियों 10:21

“पण परमेसर इजराएल्याँ का बारा में क्यो हे, “में हाराई दन मारी ने मानबावाळा अन विरोद वाळा का आगे हात फेलायो हो।”

इब्रानियों 12:25

ध्यान राकज्यो, के थाँ वणी बोलबावाळा ने मती नकार ज्यो। काँके जणी धरती पे चेतावणी दिदी ही, वींने नकारन वीं बंच ने सक्या, तो यद्याँ आपाँ वींने नकार देवा, ज्यो आपाँने हरगऊँ चेतावणी देरियो हे, तो आपाँ कदी दण्डऊँ बंच ने सका।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

परकासितवाक्य 22:17

पुवितर आत्मा अन लाड़ी केवे हे, “आ।” अन ज्यो ईंने हुणे हे, वीं भी केवे, “आ।” अन ज्यो तरियो हे वो भी आवे अन ज्यो कुई छाई, वो जीवन को पाणी फोकट में पिया करी।