मत्ती 2:2 - नुवो नेम (मेवड़ी नया नियम)

² “यहूदियाँ को राजा, ज्यो जनम्यो हे वो कटे हे? काँके माँकाणी उगमणी दसा में वींको तारो देक्यो अन वींने नमस्कार करबा ने आया हा।”

मत्ती 2:2 Iomraidhean Croise

मत्ती 2:3

यो हुणन राजा हेरोदेस अन वाँकी लारे यरूसलेम का नरई मनक घबराग्या।

मत्ती 21:5

“सिय्योन की छोरीऊँ केवो, ‘देक, थारो राजो थाँका नके आवे हे। वो भलो हे अन गदेड़ी पे बेटो तको हे वो गदेड़ी का बाछरा पे बेटो हे।’”

मत्ती 27:11

जद्याँ ईसू हाकम पिलातुस का हामे ऊबा हा, तो हाकम वाँकाऊँ पूँछ्यो, “कई थूँ यहूदियाँ को राजो हे।” ईसू वींने क्यो, “थूँ खुदई केरियो हे।”

लूका 19:38

“धन्ने हे वो राजा, जो परबू का नामऊँ आवे हे। हरग में सान्ती अन आकास में मेमा वेवे।”

लूका 2:11

आज दाऊद का नगर में थाँका वाते एक मुगतीदाता को जनम व्यो हे अन वोईस परबू मसी हे।

लूका 23:3

पिलातुस ईसुऊँ पूँछ्यो, “कई, थूँ यहूदियाँ को राजा हे?” ईसू वींने जबाव दिदो, “थूँ खुदई हाँच केरियो हे, मूँ वोईस हूँ।”

लूका 23:38

वींका माता ऊपरे एक कागद लिकन लटका दिदो के, “यो यहूदियाँ को राजा हे।”

यहुन्ना 1:49

नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”

यहुन्ना 12:13

ईं वाते वीं खजुर की डाळ्याँ लिदी अन वाँकाऊँ मलबा ने निकल्या, अन केबा लागा, “परमेसर की मेमा वेवे, परबू का नामऊँ आबावाळा ने परमेसर आसीस देवे। इजराएल का राजा ने परमेसर आसीस देवे।”

यहुन्ना 18:37

पिलातुस वींने क्यो, “तो कई थूँ राजा हे?” ईसू वींने क्यो, “थूँ केवे हे के, मूँ राजा हूँ। में ईं वाते जनम लिदो अन ईं वाते दनियाँ में आयो हूँ के, हाँच की गवई दूँ अन ज्यो कुई हाँचो हे, वो मारो बचन हुणे हे।”

यहुन्ना 19:19

पिलातुस एक दोसपतर लिकन हूळी पे टाँक दिदो अन वींमें ओ लिक्यो हो, “नासरत का ईसू, यहूदियाँ को राजा।”

यहुन्ना 20:28

ओ हुणन थोमा जबाव दिदो, “ओ मारा परबू, ओ मारा परमेसर।”

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

यहुन्ना 9:38

वणी क्यो, “हो परबू जी, मूँ विस्वास करूँ हूँ।” अन वाँका पगा में पड़न धोग दिदो।

इब्रानियों 1:6

अन पछे जदी परमेसर आपणी एकलोती ओलाद ने दनियाँ में खन्दावे तो वीं केवे हे के, “परमेसर का हाराई हरग-दुत वींकी भगती करे।”

परकासितवाक्य 22:16

“मूँ, ईसू थाँका वाते, मण्डळ्याँ का वाते, अणा बाताँ की गवई देबा का वाते मारो हरग-दुत खन्दाऊँ हूँ। मूँ दाऊद के परवार को वंसज हूँ। मूँ हवेर को चमकतो तको तारो हूँ।”