मत्ती 2:13 - नुवो नेम (मेवड़ी नया नियम)

¹³ वणा जोतिसी माराज के पाच्छा जाबा केड़े, परबू को एक हरग-दुत युसुप ने हपना में दिक्यो अन वींने क्यो, “उठ, बाळक अन वींकी माँ ने लेन मिसर नाम का देस में परोजा अन जतरे मूँ थने ने कूँ, वतरे वटेई रिज्ये। काँके हेरोदेस ईं बाळक ने होदरियो हे के, वींने मरबा नाके।”

मत्ती 2:13 Iomraidhean Croise

मत्ती 1:20

जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे।

मत्ती 10:23

वीं जद्याँ थाँने एक नगर में हतावे, तो थें दूजाँ नगर में परा जाज्यो, मूँ थाँने हाचेई केवूँ हूँ के, थाँ इजराएल का हाराई नगराँ में ने जावो वतरे मनक को पूत पाछो आ जई।

मत्ती 2:12

परमेसर वाँने हपना में हेंचेत किदा के, हेरोदेस के नके पाच्छा मत जाज्यो, तो वे दूजाँ गेलाऊँ आपणे देस पराग्या।

मत्ती 2:14

तद्याँ वो रात नेई उटन बाळक अन वींकी माँ ने लेन मिसर देस के वाते निकळ्ग्यो।

मत्ती 2:16

जद्याँ हेरोदेस यो देक्यो के, ज्योतिसी माराज वींकी लारे धोको किदो हे, तो वो रीस में आग्यो अन आदेस देन मनकाँ ने खन्दान, ज्योतिसी माराज क्यो वीं टेम के, लगे-भगे का जनम्याँ बेतलेम अन वींकी अड़े-भड़े का गामड़ा का हाराई दो वर तईं का बाळकाँ ने मरबा नाक्या।

मत्ती 2:22

पण, युसुप यो हुणन के अरखिलाउस आपणाँ बाप हेरोदेस की जगाँ राज कररियो हे, तो वो वटे जाबाऊँ दरपग्यो, पछे पाच्छी हपना में परमेसर की आग्या हुणन गलील परदेस में परोग्यो।

थरप्या तका का काम 10:22

वे बोल्या, “माँ ने फोज का सरदार कुरनेल्युस खन्दाया हे, जो एक धरमी अन परमेसरऊँ दरपबावाळो मनक हे। हाराई यहूदी मनकाँ में वींको घणो मान-समान हे। वींने परबू के हरग-दुत क्यो के, वो थाँने आपणाँ घरे बलावे अन जो थें केवो, वो हुणे।”

थरप्या तका का काम 10:7

वो हरग-दुत जो वींऊँ बाताँ करियो हो, परोग्यो, तो कुरनेल्युस आपणाँ दो नोकराँ अन एक सपई जो धरमी मनक हो वींने बलायो जो वींकी हार-हमाळ करता हा।

थरप्या तका का काम 12:11

पछे पतरस ने नंगे पड़ी अन वो बोल्यो, “अबे मारे हमज में आयो के, ओ हारोई हाँचई में हे, परबू आपणाँ हरग-दुत ने खन्दान मने हेरोदेस का कब्जाऊँ छुड़ायो अन ईं तरियाँ यहूदी लोग जो करबा का वाते छाता हा वींऊँ परमेसर मने बंचायो।”

थरप्या तका का काम 12:7

अणाचेत, परबू को एक हरग-दुत वटे आ पूग्यो, जेळ की ओवरी में उजितो वेग्यो, वणी हरग-दुत पतरस को खांदो ठपकारन वींने जगाते तके क्यो, “फटाकऊँ ऊबो वेजा”, तरत हाँकळा वींका हातऊँ आपूँ-आप खलगी।

थरप्या तका का काम 16:36

पेरादार आ बात पोलुस ने की “हाकम थाँने छोड़ देबा को हुकम दिदो हे, ईं वाते ऊबा वो अन आरामऊँ परा जावो”

थरप्या तका का काम 5:19

पण, रात में परबुजी के एक हरग-दुत जेळ का कमाड़ा ने खोलन वाँने बारणे निकाळन क्यो,

थरप्या तका का काम 7:19

वणी आपणाँ मनकाँ की लारे छळ किदो अन आपणाँ बड़ाबा ने घणो दुक देन मजबूर किदा के, आपणाँ बाळक-टाबर ने मरबा वाते घरऊँ बारणे नाक दे।

परकासितवाक्य 12:14

पण वीं लुगई ने गरुड़ की जस्यान का दो फाकड़ा दिदा ग्या हा जणीऊँ वीं मोटा अजगर का हामेऊँ उड़न वाँ काकड़ में परी जावे, जणीऊँ हाड़ा तीन मिना तईं वींको पालण-पोसण किदो जाबावाळो हो।

परकासितवाक्य 12:4

वणी आपणाँ पूँछऊँ फळेटो मारन आकासऊँ एक तीहाई तारा ने रेटे फेंक दिदा। अन वो वीं लुगई का हामे ज्या बाळक जनमबा वाळी ही ऊबो वेग्यो जणीऊँ जद्याँ वाँ बाळक जनमे तो वो वींने निगळजा।

परकासितवाक्य 12:6

अन वाँ लुगई हुन्ना काकड़ में भागगी। वाँ अस्यान की जगाँ हे जिंने परमेसर वींका वाते त्यार किदी, जटे वाँ एक हजार दोस्ये हाठ दनाँ तईं जीवती राकी जा सके।