मत्ती 2:12 - नुवो नेम (मेवड़ी नया नियम)

¹² परमेसर वाँने हपना में हेंचेत किदा के, हेरोदेस के नके पाच्छा मत जाज्यो, तो वे दूजाँ गेलाऊँ आपणे देस पराग्या।

मत्ती 2:12 Iomraidhean Croise

मत्ती 1:20

जद्याँ वो ईं बाताँ पे होच-बच्यार कररियो हो के, परबू को एक हरग-दुत वींने हपना में दिक्यो अन केबा लागो, “हे युसुप, दाऊद की बेटा, थूँ आपणी हगई वीं तकी मरियमऊँ ब्याव करन अटे लेन आबाऊँ मती दरप, काँके ज्यो वींका पेट में हे, वो पुवितर आत्मा का आड़ीऊँ हे।

मत्ती 2:13

वणा जोतिसी माराज के पाच्छा जाबा केड़े, परबू को एक हरग-दुत युसुप ने हपना में दिक्यो अन वींने क्यो, “उठ, बाळक अन वींकी माँ ने लेन मिसर नाम का देस में परोजा अन जतरे मूँ थने ने कूँ, वतरे वटेई रिज्ये। काँके हेरोदेस ईं बाळक ने होदरियो हे के, वींने मरबा नाके।”

मत्ती 2:19

हेरोदेस के मरिया केड़े परबू के हरग-दुत मिसर में युसुप के हपना में आन क्यो, “उठ, अन बाळक अन वींकी माँ ने लेन इजराएल देस में परोजा, काँके ज्यो बाळक ने मारणो छातो हो, वो तो मरग्यो हे।”

मत्ती 2:22

पण, युसुप यो हुणन के अरखिलाउस आपणाँ बाप हेरोदेस की जगाँ राज कररियो हे, तो वो वटे जाबाऊँ दरपग्यो, पछे पाच्छी हपना में परमेसर की आग्या हुणन गलील परदेस में परोग्यो।

मत्ती 27:19

जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

लूका 2:26

पुवितर आत्मा वींने बतायो हो के, “जद्याँ तईं थूँ परबू का मसी ने देक ने लेई, तद्याँ तईं थारी मोत ने वेई।”

थरप्या तका का काम 10:22

वे बोल्या, “माँ ने फोज का सरदार कुरनेल्युस खन्दाया हे, जो एक धरमी अन परमेसरऊँ दरपबावाळो मनक हे। हाराई यहूदी मनकाँ में वींको घणो मान-समान हे। वींने परबू के हरग-दुत क्यो के, वो थाँने आपणाँ घरे बलावे अन जो थें केवो, वो हुणे।”

थरप्या तका का काम 4:19

पण, पतरस अन यहुन्ने जबाव दिदो, “थाँईस बतावो, परमेसर का हामे हव कई हे? माँ परमेसर की हुणा कन थाँकी हुणा।

थरप्या तका का काम 5:29

पतरस अन थरप्या तका जबाव दिदो, “आपणाँ ने मनकाँ की ने, पण परमेसर की आग्या मानणी छावे।

1 कुरिन्थियों 3:19

काँके ईं दनियाँ को ग्यान परमेसर का हामे बेण्डोपणो हे। जस्यान के सास्तर में लिक्यो हे के, “परमेसर ग्यानवाळा मनकाँ ने वाँका खुद का ग्यान में फसा देई।”

इब्रानियों 11:7

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

इब्रानियों 8:5

जीं जगाँ पे वीं याजकपणा को काम कररिया हे, वो तो ज्यो हरग में हे वींकी नकल अन छाया हे। ईं वाते जद्याँ मूसो पुवितर तम्बू बणाबावाळो हो, तद्याँई वींने चेतावणी दिदी गी के, “ध्यान राकज्ये के, थूँ हरेक चीज वींके जस्यानीस बणाज्ये, जस्यान थने मंगरा पे बतई ही।”