मत्ती 19:23 - नुवो नेम (मेवड़ी नया नियम)

²³ तद्याँ ईसू आपणाँ चेलाऊँ क्यो, “मूँ थाँने हाँची केवूँ हूँ के, रिप्यावाळा को परमेसर का राज में जाणो घणो दोरो हे।

मत्ती 19:23 Iomraidhean Croise

मत्ती 13:22

ज्यो बीज झाड़क्याँ में वाया ग्या, वीं वणा मनकाँ का जस्यान हे, ज्यो परमेसर का बचन ने हुणे हे, पण ईं दनियाँ की चन्ता अन धन-माया को लोब-लाळच वाँने परमेसर को बचन भुलई दे के, परमेसर वाँकाऊँ कई छावे हे अन वो फळ ने लावे।

मत्ती 18:3

अन क्यो, “मूँ थाँकाऊँ हाचेई केवूँ हूँ के, जद्याँ तईं थाँ पापऊँ ने फरो अन छोरा का जस्यान ने वणो, थाँ हरग का राज में ने जा सको।

मत्ती 19:22

पण वो मोट्यार आ बात हुणन घणो दकी वेन परोग्यो, काँके वो घणो रिप्यावाळो हो।

मत्ती 21:31

बतावो अणा दुयाँ मूँ कणी बाप की बात मानी?” वाँकाणी क्यो, “पेले बेटे।” ईसू वाँने क्यो, “मूँ थाँने हाचेई केवूँ हूँ के, कर लेबावाळा अन वेस्या थाँकाऊँ पेल्या परमेसर का राज में जाई।

मत्ती 5:20

काँके मूँ थाँकाऊँ केवूँ हूँ के, यद्याँ थाँकी धारमिकता मूसा का नेमा ने हिकाबावाळा अन फरीसियाँ की भगतीऊँ मोटी ने वेई, तो थाँ हरग का राज में कदी ने जा सको।”

मरकुस 10:23

ईसू च्यारूँमेर देकन आपणाँ चेला ने क्यो, “ज्यो रिप्यावाळो हे वींको परमेसर का राज में जाणो घणो दोरो हे।”

लूका 18:24

ईसू वींने देकन क्यो, “रिप्या-कोड़ी वाळा को परमेसर का राज में जाणो घणो दोरो हे।

यहुन्ना 3:3

ईसू वींने जवाब दिदो के, “मूँ थाँराऊँ सई केवूँ हूँ, यद्याँ थूँ पाछो जनम ने लेवे, तो परमेसर का राज ने देक ने सकी।”

यहुन्ना 3:5

ईसू वींने जवाब दिदो के, “मूँ थाँकाऊँ हाचेई केवूँ हूँ, जद्याँ तईं कुई मनक पाणी अन पुवितर आत्माऊँ ने जनमे तो वो परमेसर का राज में ने जा सकी।

थरप्या तका का काम 14:22

अन चेला ने हिम्मत देन विस्वास में बड़वा वाते धिजो बन्दाता रिया अन केता रिया के “परमेसर का राज में जाबा वाते आपाँने घणो दुक जेळणो पेड़ी।”

1 कुरिन्थियों 1:26

हो विस्वासी भायाँ, अबे थोड़ोक होचो के, जद्याँ परमेसर थाँने बलाया हा तो थाँकामूँ नरई तो ने सांसारिक देकणी में विदवान हा अन नेई तागतवर। थाँकामूँ नरई की तो समाज में कई जगाँ भी ने ही।

याकूब 2:6

पण थाँ तो वणी गरीब मनक को अपमान किदो हो। कई धनी मनक वीं ने हे? जीं थाँका पे जोर जुलम करे अन थाँने थाणा में गड़ीन ने ले जावे?