मत्ती 18:19 - नुवो नेम (मेवड़ी नया नियम)

¹⁹ पाछो मूँ थाँकाऊँ केवूँ हूँ, यद्याँ थाँकाऊँ दो जणा धरती पे कणी एक बात का वाते एक मन वेन वींने मांगी, तो वो मारा बाप की ओरू ज्यो हरग में हे, वाँका वाते वेजई।

मत्ती 18:19 Iomraidhean Croise

मत्ती 21:22

अन थाँ परातना में ज्यो भी विस्वासऊँ मांगो, वो हारोई थाँने मली।”

मत्ती 5:24

तो आपणाँ चड़ावा ने वटेईस वेदी हामें छोड़ दो, अन जान पेल्या आपणाँ भईऊँ हमजोतो कर अन पछे आपणाँ चड़ावा ने पूरो कर।

मत्ती 7:7

“परमेसरऊँ माँगो, तो थाँने दिदो जाई, होदो तो थाँने मल जाई, कमाड़ वजाओ तो थाँका वाते खोल्या जाई।

मरकुस 11:24

ईं वाते मूँ थाँने केऊँ हूँ, थाँकाणी परातना में ज्यो भी माँगो, विस्वास करो के, वो थाँने मलग्यो। तो थें ज्यो माँगो वो थाँने मल जाई।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 15:7

यद्याँ थाँ मारा में बण्या रेवो अन मारा बचन थाँकामें बण्यो रेई, तो ज्यो भी छावो माँगो वो थाँका वाते वेजई।

यहुन्ना 16:23

“वीं दन थाँ माराऊँ कई ने पूछो। मूँ थाँने सई-सई केवूँ हूँ यद्याँ मारा बापूऊँ कई मांगो तो वो मारा नामऊँ थाँने दी देई।

थरप्या तका का काम 1:14

ईं हाराई रोज एक मन वेन परातना करबा वाते भेळा वेता हा। आका हाते थोड़ीक लुगायाँ, ईसू की बई मरियम अन ईसू का भई भी हा।

थरप्या तका का काम 12:5

तो पतरस ने जेळ में राक्यो हो, पण मण्डली का मनक हाँचा मनऊँ वींका वाते परमेसरऊँ परातना करता रिया हा।

थरप्या तका का काम 16:10

पोलुस ओ दरसावो देकतईं, तरत माँ मकिदुनिया जाणो छायो, ओ हमजन के, परमेसर माँने वटे हव हमच्यार हुणाबा वाते बलाया हे।

थरप्या तका का काम 6:4

पण, माँ तो हाराई टेम परातना अन बचन हुणबा का काम में जीव लगा देवाँ।”

फिलिपियों 1:19

काँके मूँ होचूँ हूँ के, थाँकी अरजऊँ अन ईसू मसी की आत्मा की मदतऊँ मूँ बंचायो ग्यो हूँ।

1 यहुन्ना 3:22

अन आपाँ ज्यो कई भी वाँकाऊँ मांगा हा, वो आपाँने मले हे, काँके आपाँ वोईस काम करा हाँ, ज्यो परमेसर ने हव लागे हे अन आपाँ वींका आदेस ने भी मानाँ हा।