मत्ती 17:12 - नुवो नेम (मेवड़ी नया नियम)

¹² पण मूँ थाँकाऊँ केवूँ हूँ के, एलियो आग्यो हे, अन लोग-बागाँ वींने ने ओळ्क्यो। पण जस्यान छाया वस्यान वींका हाते किदो। अणीस तरियाँ मनक को पूत भी वाँका हाताऊँ दुक उटाई।”

मत्ती 17:12 Iomraidhean Croise

मत्ती 11:2

बतिस्मो देबावाळो यहुन्ने जेळ में मसी का कामाँ को हमच्यार हामळन आपणाँ चेला ने वाँकाऊँ ओ पूँछबा खन्दायो के,

मत्ती 16:21

वीं टेमऊँ ईसू आपणाँ चेला ने बतावा लागो, “जरूरी हे के, मूँ यरूसलेम जऊँ, अन मूसा का नेमा हिकाबावाळा, यहूदी नेता अन मुक्या याजकाँ का हाताऊँ नरई दुक उठाऊँ, अन मार नाक्यो जऊँ, अन तीजे दन पाछो मरिया तका मेंऊँ जी उटूँ।”

मत्ती 17:11

ईसू क्यो, “एलियो जरुर अई, अन हारोई हदारी।

मत्ती 17:13

तद्याँ चेला हमज्या के, वाँकाणी आपाऊँ यहुन्ना बतिस्मा देबावाळा का बारा में क्यो हे।

मत्ती 17:22

जद्याँ वीं गलील में हाँ, तो ईसू वाँने क्यो, “मनक को पूत मनकाँ का हाताँ में धोकाऊँ पकड़वायो जाई।

मत्ती 17:9

जद्याँ वीं मंगराऊँ रेटे उतरिया हाँ तद्याँ ईसू वाँने ओ क्यो, “जद्याँ तई मनक को पूत मरिया तकाऊँ ने जी उटी, तद्याँ तईं ज्यो कई थाँ देक्यो हे किंने भी मती किज्यो।”

मत्ती 21:32

काँके यहुन्नो बतिस्मो देबावाळो धरम को गेलो बतातो तको थाँका नके आयो अन थाँ वींपे विस्वास ने किदो, पण कर लेबावाळा अन वेस्या वींपे विस्वास किदो अन पछे भी थाँ ओ देकन पापऊँ मन ने फेरिया अन ने वींको विस्वास किदो।”

मत्ती 8:20

ईसू वींकी बात हुणन क्यो, “हिवाळ्या के, तो खोकल वेवे हे अन आकास का जनावराँ का वाते गवाळा वेवे हे पण मनक का पूत का वाते मातो ढाँकबा का वाते भी जगाँ ने हे।”

लूका 7:33

काँके यहुन्नो बतिस्मा देबावाळो ने तो रोटी खातो हो अन नेई अंगूरा को रस पितो हो, अन थाँ केवो हो के, ‘वींमें हुगली आत्मा हे।’

यहुन्ना 1:11

वो आपणाँ लोगाँ का बसमें आयो अन पण वणा वींने ने ओळक्यो।

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।