मत्ती 16:3 - नुवो नेम (मेवड़ी नया नियम)

³ अन भाग-फाट्याँ केवो हो, ‘आज बरका आई, काँके आकास रातो अन धुळ भरियो हे।’ थाँ आकास ने देकन वींका भेद बता सको हो, पण टेम का हेन्याण का भेद ने काँ ने बता सको हो?

मत्ती 16:3 Iomraidhean Croise

मत्ती 11:5

आन्दा पाच्छा देकबा लागा हे अन लंगड़ा चालबा-फरबा लागा हे, कोड़्या को कोड़ हव वेरियो हे अन बेरा हुणरिया हे अन मरिया तका जीवता वेरिया हा। अन दकी अन गरीब मनकाँ ने हव हमच्यार हुणायो जारियो हे।

मत्ती 15:7

हो कपटी मनकाँ, परमेसर का आड़ीऊँ बोलबावाळा थाँका वाते सइस क्यो हे के,

मत्ती 22:18

ईसू वाँकी चाल ने जाणन क्यो, “हो कपटी, मने काँ जाँचो-परको हो?

मत्ती 23:13

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ मनकाँ का वाते हरग का राज को बारणो बन्द करो हो, ने तो थाँ खुद परवेस करो हो अन ने वींमें परवेस करबावाळा ने परवेस करबा देवो हो।

मत्ती 4:23

ईसू हाराई गलील देस में यहुदया का परातना घर में हरग का राज को हव हमच्यार को उपदेस देतो अन तरे-तरे का रोगा ने हव करतो तको फरबा लागो।

मत्ती 7:5

हे कपटी पेल्याँ आपणी आक्याँ मूँ मोटो तरकल्यो काड़ ले, तद्याँ थूँ खुद का भई की आक्याँ मूँ फोरो तरकल्या ने हुदो देकन काड़ सेकी।

लूका 11:44

“थाँने धिकार हे। काँके थाँ वणी हपी तकी कबर की तरियाँ हो। जिंका ऊपरे लोग-बाग चाले हे। पण, वी ने जाणे हे के, वींमें कई हे।”

लूका 12:56

ओ कपटी मनकाँ, थाँ धरती अन आकास का रूप को अरत को भेद करणो जाणो हो, पण ईं टेम का बारा में भेद करणो काँ ने जाणो हो?”

लूका 13:15

यो हूँणन परबू क्यो, “ओ कपट राकबावाळा, कई आराम का दन में थाँकामूँ कूण आपणाँ बळद ने कन गदा ने खूँटाऊँ खोलन पाणी पावा ने ले जावे हे?

इब्रानियों 5:14

पण रोट्याँ तो मोठ्याराँ का वाते वेवे हे जणा नत नेम राकन खुद ने त्यार करन भला-बुरा की पेचाण करणो हिक लिदो हे।