मत्ती 16:26 - नुवो नेम (मेवड़ी नया नियम)

²⁶ यद्याँ मनक आका जग ने पा लेवे, अन आपणाँ जीव को नकसाण करे, तो वींने कई फायदो वेई? मनक आपणाँ जीव पाछो पाबा का बदले कई दे सके हे कई?

मत्ती 16:26 Iomraidhean Croise

मत्ती 16:25

काँके ज्यो कुई आपणो जीव बचाणो छावे, वो वींने खोई अन ज्यो कुई मारा वाते आपणो जीव खोई, वो वींने पाई।

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 5:29

यद्याँ थाँकी जीमणी आँक थाँने पाप में नाके, तो वींने काड़न फेंक दे, काँके थाँका वाते यो हव हे के, थाँका अंग मूँ एक नास वे जावे अन थाँको पूरो सरीर नरक में ने नाक्यो जई।

लूका 12:20

पण, परमेसर वणीऊँ क्यो, ‘ए वेण्डा मनक, अणी रातेईस थूँ मर जाई। जो कई भी थें भेळो किदो हे। वो किंको रेई?’

लूका 16:25

पण अबराम वणीऊँ क्यो, “हे बेटा, याद कर के, थें आपणाँ आकाई जीवन में हारी हव चिजाँ को भोग कर नाक्यो हे अन अणीस तरिया लाजर खराब चिजाँ को किदो। पण, अबे यो अटे सान्ती पारियो हे अन थूँ दुक में पड़न तड़परियो हे।

लूका 9:25

यद्याँ कुई मनक हारी दनियाँ ने जीत ले अन आपणो हरग को जीवन खो दे कन भटक जावे तो, ईंमें वींको कई नफो हे?