मत्ती 16:24 - नुवो नेम (मेवड़ी नया नियम)

²⁴ तद्याँ ईसू आपणाँ चेलाऊँ क्यो, “यद्याँ कुई मारा पाच्छे आणो छावे, तो आपणाँ खुद ने नटे अन आपणी हूळी उठावे, अन मारा पाच्छे वेजा।

मत्ती 16:24 Iomraidhean Croise

मत्ती 10:38

अन ज्यो भी मारा वाते दुक उटाबा अन मरबा का वाते त्यार ने हे वो मारो चेलो बणाबा के जोगो ने हे।

मत्ती 27:32

बारणे जाती दाण वाँने समोन नाम को एक कुरेन को रेबावाळो मनक मल्यो वणा वींने पकड़्यो अन जोर नाक्यो के, वो ईसू की हूळी उठान चाले।

मरकुस 10:21

ईसू हुदा वींका आड़ी नाळ्या अन वींने लाड़ऊँ देकन क्यो, “थने एक ओरी काम करणो हे, ज्यो भी थाँरा नके हे, वींने बेचन गरीबा में बाँट दे। हरग में थने खजानो मली, पछे थूँ आ अन मारा पाच्छे वेजा।”

मरकुस 15:21

वाँने कुरेन को रेबावाळो सिमोन नाम को एक मनक गेला में मल्यो, वो गाममूँ नगर में आरियो हो। वो सिकन्दर अन रूपूस को बाप हो। सपायाँ वींने दरपान क्यो के, वो ईसू की हूळी तोकन चाले।

मरकुस 8:34

पछे, ईसू भी आपणाँ चेला की लारे मनकाँ की भीड़ ने बलई अन वाँने क्यो, “जदी कुई मारी लारे आणो छावे, तो वो आपणाँ खुद ने भुल जाई अन आपणी हूळी लेन मारा पाच्छे अई जावे।

लूका 14:27

अन ज्यो आपणी हूळी ने ने तोके अन मारा पाच्छे ने आवे, वो मारो चेलो ने वे सके हे।”

लूका 23:26

जद्याँ वीं मनक ईसू ने लेन जारिया हा, तो वणा समोन नाम को एक कुरेनी ने गामऊँ आवतो तको देक्यो। वणा वींने पकड़न वींका खाँदा ऊपरे हूळी मेल दिदी, ताँके वो ईसू का पाछे-पाछे चाले।

यहुन्ना 19:17

अन ईसू आपणी हूळी उठातो तको वीं जगाँ पे ग्यो ज्या “कपाळ की जगाँ” केवाती ही अन इबरानी भासा में “गलगता” केवाती ही।

यहुन्ना 21:19

वणा अणा बाताँऊँ इसारो किदो के, पतरस कस्यी मोतऊँ परमेसर की बड़ई करी। तद्याँ ईसू वणीऊँ क्यो, “मारा पाच्छे वेजा।”

यहुन्ना 21:22

ईसू वींने क्यो, “यद्याँ मूँ छावूँ के, वो मारे पाछो आबा तईं जीवी, तो थाँरे अणीऊँ कई हे? थूँ तो मारा पाच्छे वेजा।”

थरप्या तका का काम 14:22

अन चेला ने हिम्मत देन विस्वास में बड़वा वाते धिजो बन्दाता रिया अन केता रिया के “परमेसर का राज में जाबा वाते आपाँने घणो दुक जेळणो पेड़ी।”

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

1 थिस्सुलुनिक्यों 3:3

जणीऊँ दुक में थाँ पाच्छा भटक ने जावो। थाँ खुद ईं बात ने जाणो हो के, आपणाँ वाते दुक देकन भी कल्ड़ो रेणो परमेसर की मरजी कोईस एक भाग हे।

2 तिमुतियूस 3:12

ज्यो भी मनक ईसू मसी का गट-जोड़ में खरो जीवन जीवणो छावे हे, तो वींने दुक देकणो पड़े हे।

1 पतरस 2:21

परमेसर थाँने ईं वाते बलाया हे, काँके मसी आपणाँ वाते दुक जेल्यो हो अन अस्यान करन वणा आपणाँ वाते एक हिक दिदी हे के, आपाँ भी वींका जस्यानीस चाल सका।