मत्ती 16:16 - नुवो नेम (मेवड़ी नया नियम)

¹⁶ समोन पतरस जटऊँ क्यो, “थूँ जीवता परमेसर को पूत मसी हे।”

मत्ती 16:16 Iomraidhean Croise

मत्ती 1:16

याकूब को बेटो युसुप हो ज्यो मरियम को धणी हो मरियमऊँ ईसू को जनम व्यो ज्यो मसी केवावे हे।

मत्ती 14:33

ईंपे वाँकाणी ज्यो नाव में हाँ, वीके धोग लगान क्यो, “हाँचाई, थूँ परमेसर को पूत हे।”

मत्ती 16:15

ईसू वाँने पूँछ्यो, “पण थाँ मारा बारा में कई केवो हो?”

मत्ती 26:63

पण ईसू छानारिया। तद्याँ मायाजक वाँकाऊँ क्यो, “मूँ थने जीवता परमेसर की होगन दूँ हूँ के, यद्याँ थूँ परमेसर को पूत मसी हे, तो माँकाऊँ के दे।”

मत्ती 27:54

तद्याँ रोमी सेनापती अन ज्यो वींका हाते ईसू के पेरो देरियो हाँ, भूकम अन ज्यो कई व्यो हो, वींने देकन घणा दरपग्या अन क्यो, “हाँचई में ओ परमेसर को पूत हो।”

मत्ती 4:3

तो वींकी परक करबावाळो वींका भड़े आयो अन क्यो, “यद्याँ थूँ परमेसर को पूत हे तो अणा भाटा ने के, ईं रोट्याँ बण जावे।”

मरकुस 14:61

ईं बात पे ईसू छाना-माना रिया। कई जबाव ने दिदो। मायाजक वाँने पाछो पूँछ्यो, “कई, थूँ मेमामय परमेसर को पूत मसी हे?”

लूका 2:11

आज दाऊद का नगर में थाँका वाते एक मुगतीदाता को जनम व्यो हे अन वोईस परबू मसी हे।

यहुन्ना 1:49

नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”

यहुन्ना 11:27

वणी ईसुऊँ क्यो, “हाँ, परबू, मूँ विस्वास करूँ हूँ के, थाँईस मसी हो, अन ज्यो परमेसर को बेटो जगत में आबावाळो हो, वो थूँईस हे।”

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

यहुन्ना 6:57

जस्यान मने जीवता बापू खन्दायो अन मूँ मारा बापू का कारण जीवतो हूँ वस्यानीस वीं भी ज्यो मने खाई मारा कारण जीवता रेई।

यहुन्ना 6:68

समोन पतरस वींने जवाब दिदो, “हो परबू, माँ किंका नके जावाँ? अनंत जीवन का बचन तो थाँका नकेईस हे।

यहुन्ना 6:69

अबे माँ विस्वास किदो अन ओळकग्या हाँ के, परमेसर का आड़ीऊँ आबावाळो पुवितर मनक थाँईस हो।”

थरप्या तका का काम 14:15

“हो लोगाँ, थाँ ओ कई कररिया हो। माँ भी थाँके जस्यानीस मनक हाँ, अन थाँने हव हमच्यार हुणाबा आया, ताँके थाँ अणा फोगट की चिजाँऊँ छेटी वेन जीवता परमेसर के आड़ी आवो, जणी हरग, धरती, समन्द अन जो कई अणामें हे वणीस बणाया हे।

थरप्या तका का काम 8:36

गेला में चालता तका वे वीं जगाऊँ वेन जारिया हा जटे पाणी हो, पछे वे अदिकारी क्यो, “देको, अटे पाणी हे, अबे मने बतिस्मो लेबा में कई रोक हे?”

थरप्या तका का काम 8:37

फिलिपुस जबाव में क्यो, “जद्याँ थूँ आपणाँ मनऊँ भरोसो करे, तो बतिस्मो ले सके।” वे अदिकारी क्यो, “हाँ, मूँ भरोसो करूँ के, ईसू मसी परमेसर को पूत हे।”

थरप्या तका का काम 9:20

पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 3:3

अन थाँ भी तो अस्यानीस दिको हो जस्यान थाँ मसी को कागद हो अन जिंने माकाँ हाते खन्दायो ग्यो हे, जिंने सईऊँ ने लिक्यो ग्यो हे पण ओ परमेसर की आत्माऊँ लिक्यो ग्यो हे अन ईंने भाटा पे ने लिक्यो ग्यो हे पण ईंने मनकाँ का हरदा पे लिक्यो ग्यो हे।

2 कुरिन्थियों 6:16

परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो, “मूँ वाँका में वास करिया करूँ, वाँका में चालूँ-फरूँ। मूँ वाँको परमेसर वेऊँ अन वीं मारा मनक वेई।

1 थिस्सुलुनिक्यों 1:9

काँके वटा का मनक खुद ईं माकाँ बारा में बतावे हे के, कस्यान माँ थाँका नके आया अन कस्यान थाँ मूरत्याँ ने छोड़न जीवता अन हाँचा परमेसर की सेवा करबा का वाते फरग्या हाँ।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

1 तिमुतियूस 4:10

आपाँ ईं वाते मेनत अन कोसीस करा हाँ, काँके आपणी आस जीवता परमेसर में हे, जीं हाराई ने, खासतोरऊँ विस्वास्याँ ने बंचाबावाळो हे।

इब्रानियों 10:31

मनक को जीवता परमेसर का हात में पड़णो भयंकर बात हे।

इब्रानियों 12:22

पण थाँ सिय्योन मंगरा का नके, जीवता परमेसर का हरग का नगर यरूसलेम का नके अन हजारो हरग-दुताँ,

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

1 यहुन्ना 4:15

ज्यो भी अणी बात ने माने हे के, “ईसू परमेसर को बेटा हे,” तद्याँ परमेसर वींके मयने वास करे हे अन वो परमेसर में वास करे हे।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

1 यहुन्ना 5:5

ज्यो भी ओ विस्वास करे हे के, ईसू मसीइस परमेसर को बेटा हे, वो अणी दनियाँ ने जीत लेवे हे।

परकासितवाक्य 7:2

अन में एक ओरी हरग-दुत ने उगमणी दसाऊँ आवतो तको देक्यो। वणी जीवता परमेसर की मोर ले राकी हे। वणी वणा च्यारई दुताँ ने ज्याँने धरती अन समन्द को नास करबा को हक दिदो ग्या हो, वाँकाऊँ जोरऊँ क्यो,