मत्ती 15:36 - नुवो नेम (मेवड़ी नया नियम)

³⁶ अन ईं हात रोट्याँ अन माछळ्याँ लिदी, अन धन्नेवाद करन तोड़ी अन आपणाँ चेला ने देतो ग्यो, चेला लोग-बागाँ ने देता रिया।

मत्ती 15:36 Iomraidhean Croise

मत्ती 14:19

तद्याँ वणा मनकाँ ने क्यो के, रेटे बेट जावो अन वणा पाँच रोट्याँ अन दो माछळ्याँ लिदी अन हरग का आड़ी देकन धन्नेवाद दिदो अन रोट्याँ का कवा करन चेला ने दिदी चेला वाँने मनकाँ में बांट दिदी।

मत्ती 15:35

अन वाँकाणी लोगाँ ने जमीं पे पंगतऊँ बेटबा को हुकम दिदो।

लूका 22:17

पछे ईसू प्यालो लेन धन्नेवाद दिदो अन क्यो, “ईंने लो अन एक-दूँजा में बाँट लो।

लूका 22:19

पसे वणी रोटी लिदी अन धन्नेवाद देन तोड़ी अन वाँने ओ केता तका दिदी के, “आ रोटी मारो डील हे, ज्या थाँका वाते दिदो ग्यो हे। मने आद करबा का वाते अस्यानीस करिया करज्यो।”

लूका 24:30

जद्याँ वो वाँकी लारे खाणो खाबा ने बेट्यो, तो वणी रोटी लेन परमेसर ने धन्नेवाद दिदो अन रोटी तोड़न वाँने दिदी।

यहुन्ना 6:11

तद्याँ ईसू रोट्याँ लिदी अन परमेसर ने धन्नेवाद देन बेठबावाला ने जतरी वीं छावता हा, वतरी बाट दिदी अन वस्यानीस वणा माछळ्याँ भी जतरी छावता हा, बांट दिदी।

यहुन्ना 6:23

तद्याँ कुई नावाँ तिबिरियस नगरऊँ वीं जगाँ अई, जटे वणा परबू ने धन्नेवाद देयाँ केड़े रोट्याँ खादी ही।

थरप्या तका का काम 27:35

ईं बाताँ केन वणी रोटी लेन तोड़ी अन हंगळा के हामे परमेसर ने धन्नेवाद देन खावा लागो।

रोमियों 14:6

ज्यो मनक कणी दन ने एक खास दन माने हे वो अस्यान परबू ने आदर देबा का वाते करे हे। अन ज्यो हारोई खावे हे वो भी परबू ने आदर देबा का वाते खावे हे, काँके वीं रोटी का वाते परमेसर ने धन्नेवाद देवे हे। ज्यो थोड़ीक चिजाँने ने खावे वीं भी अस्यान परबू का आदर में करे हे अन परमेसर ने धन्नेवाद देवे हे।

1 कुरिन्थियों 10:31

ईं वाते छावे ज्यो खावो, छावो ज्यो पियो, छावो ज्यो करो, बेस हारोई परमेसर की मेमा का वाते करो।

1 कुरिन्थियों 14:16

काँके यद्याँ थूँ आत्माऊँइस धन्नेवाद देवे तो वटे ऊबा तका अविस्वासी मनक कस्यान केई के, अस्यानीस वेवे (आमीन), काँके वीं ने जाणे के, थूँ कई केरियो हे?