मत्ती 15:31 - नुवो नेम (मेवड़ी नया नियम)

³¹ जद्याँ लोग-बागाँ ओ देक्यो के, बोबड़ा बोले हे, लुला हव वेरिया हे, लंगड़ा चाले हे, अन आंदा देके हे तो अचम्बो करन इजराएल का परमेसर की मेमा किदी।

मत्ती 15:31 Iomraidhean Croise

मत्ती 15:30

तद्याँ लोगाँ का टोळा का टोळा वाँका नके आया। वीं आपणाँ हण्डे लुला, लंगड़ा, आंदा, बोबड़ा अन नरई दूजाँ घणा माँदा मनकाँ ने वाँका नके लाया, अन वाँका पगाँ में नाक दिदा, अन वाँकाणी वींने हव किदा।

मत्ती 18:8

“यद्याँ थारो हात कन थारो पग थने ठोकर खुवावे, तो वींने काटन फेक देज्ये। टुट्यो कन लंगड़ो वेन अनंत जीवन में परवेस करणो थाँरा वाते ईंऊँ हव हे के, दो हात कन दो पगाँ वेता तका थूँ कदी ने बजबा वाळी वादी में नाक्यो जावे।

मत्ती 21:14

तद्याँ आंदा अन लुला-लंगड़ा, मन्दर में वाँका नके आया, अन वाँने वणी हव किदा।

मत्ती 8:10

जद्याँ ईसू यो हुण्यो तो अचम्बा में पड़न आपणाँ पाच्छे आरिया हा वाँने क्यो, “मूँ थाँने हाचेई कूँ हूँ के, में अस्यो विस्वास इजराएल का मनकाँ में भी ने देक्यो।”

मत्ती 9:32

जद्याँ ईसू बारणे जारिया हाँ, तो वणा देक्यो लोग-बाग एक गूँगा ने जिंमें हुगली आत्मा ही, वाँका नके लाया।

मत्ती 9:33

अन जद्याँ हुगली आत्मा काड़ दिदी गी, तो गुँगो मनक बोलबा लागो। ईंपे वाँ भीड़ अचम्बो करन क्यो, “इजराएल में अस्यान पेल्याँ कदी भी ने देक्यो।”

मत्ती 9:8

जद्याँ मनकाँ ओ देक्यो तो वीं दरपग्या अन परमेसर की मेमा करबा लागा के, जणा एक मनक ने अस्या अचम्बावाळा काम करबा को अदिकार दिदो हे।

मरकुस 2:12

वो ऊबो व्यो, तरत आपणो माचो तोक्यो अन वाँ हंगळा ने देकतईं देकता वो बारणे परोग्यो। यो देकन हारई जणा अचम्बा में पड़ग्या, अन वाँकाणी परमेसर की बड़ई किदी अन बोल्या, “माँकाणी अस्यी बात कटेई ने देकी।”

मरकुस 7:37

अन जणा लोगाँ यो हुण्यो, तो वीं हंगळा घणा अचम्बा में आन केबा लाग्या, “ईसू ज्यो भी करे, हंगळोई हव करे। अटा तईं, वो बेरा ने हुणबा की अन गूँगा ने बोलबा की सगती देवे हे।”

मरकुस 9:43

यद्याँ थारो हात थाँराऊँ पाप करावे, तो ईंने काट दे। टूटो वेन हरग में जाणो हव हे, ईंऊँ के दो हाँतावाळा वेन नरक में जाबाऊँ जटे वादी कदी ने बजे,

लूका 14:13

पण जद्याँ थूँ जीमणो राके तो गरीबा, लंगड़ा, लकवा मारिया तका अन आंदा ने बलाज्ये।

लूका 14:21

अस्यान जद्याँ वींको दास पाछो आन वींने हारी बाताँ बतई तो ईंपे घर का मालिक ने घणो गुस्सो आयो अन वणी आपणाँ दासऊँ क्यो, ‘फटा-फट जा अन नगर की हरेक गळ्याँ मूँ गरीबा, लंगड़ा, लकवा मारिया तका अन आंदा मनकाँ ने अटे बला ला।’

लूका 18:43

वो तरत देकबा लागो अन परमेसर की बड़ई करतो तको वाँके पाच्छे चालबा लागो अन यो परचो देकन हाराई लोग-बाग परमेसर की मेमा करबा लागा।

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

यहुन्ना 9:24

तद्याँ वाँकाणी वीं मनकऊँ ज्यो आंदो हो, दूजी दाण बलान क्यो, “हव वेग्यो ईं वाते, परमेसर को गुणगान कर वींको ने, काँके माँ तो यो जाणा हाँ के, वो मनक पापी हे।”