मत्ती 15:14 - नुवो नेम (मेवड़ी नया नियम)

¹⁴ वाँने जाबा दो, वीं तो आंदा का आंदा नेता हे अन आंदो यद्याँ आंदा ने गेलो बतावे, तो दुई खाड़ा में पड़ जई।”

मत्ती 15:14 Iomraidhean Croise

लूका 6:39

पसे ईसू वाँकाऊँ एक केणी क्यो, “कई आंदो आंदा ने गेलो बता सके हे? अस्यान करी तो वीं दुई खाड़ा में पड़ जाई।

यहुन्ना 9:39

तद्याँ ईसू क्यो, “मूँ जगत में न्याव करबा का वाते आयो हूँ, ताँके ज्यो आंदा हे, वीं देकबा लागे अन ज्यो देके हे, वीं आंदा वे जाई।”

1 तिमुतियूस 6:5

अन वणा मनकाँ में लड़ई-जगड़ा वेवे हे जणाकी अकल मरगी हे, अन जीं हाँचऊँ छेटी वेग्या हे, वीं होचे हे के, परमेसर की सेवा धन कमावा को सादन हे।

2 पतरस 2:1

जस्यान वीं टेम में वणा लोगाँ में परमेसर का आड़ीऊँ जूटा बोलबावाळा हा, वस्यानीस थाँका मयने भी परमेसर की आड़ीऊँ जूटा बोलबावाळा वेई, वीं छानेऊँ नास करबावाळा कामाँ ने करी अन वीं वणी मालिक को मान ने करी, जणी वाँने आजाद किदा हा, अस्यान करन वीं खुद को फटाकऊँ नास कर देई।

2 पतरस 2:17

ईं धोको देबावाळा हुक्याँ तका कूण्ड़ा अन डूँज मूँ उड़बावाळा वादळा के जस्यान हे। अणा वाते जुग-जुग को अदंकार ठेरायो ग्यो हे।

परकासितवाक्य 19:20

वीं डरावणा जनावर ने अन वींके हाते जूटी आगेवाणी करबावाळा जी हेन्याण चमत्कार बतान वणा मनकाँ ने ज्यापे वीं जनावर की मोर लगई ही अन वींकी मूरत ने पुजा करता हा, वाँने पकड़ लिदा। वणा दुया ने वीं वादी की बळता तका नरक का कुण्ड में जीवताई नाक दिदा ग्या।

परकासितवाक्य 22:15

पण जादु-टोना करबावाळा, कुकरमी, हत्यारा, मूरती पुजबावाळा, अन हरेक तरियाऊँ जूट पे चालबावाळा, जूटऊँ परेम करबावाळा ईं अड़क्या गण्डकड़ा का जस्यान हे अन ईं हाराई नगरऊँ बारणे पड़्या रेई।