मत्ती 14:3 - नुवो नेम (मेवड़ी नया नियम)

^3-4 काँके पेल्याँ हेरोदेस आपणो भई फिलिपुस जद्याँ जीवतो हो तद्याँ वींकी लुगई हेरोदियासऊँ ब्याव कर नाक्यो हो, जणी वजेऊँ यहुन्ने हेरोदेस ने ओळमो दिदो हो के, थने थाँरे भई की लुगई ने राकणी नेमा हस्याबूँ सई ने हे, तो हेरोदियास के केबाऊँ हेरोदेस वींने जेल में नकवा दिदो हो।

मत्ती 14:3 Iomraidhean Croise

मत्ती 11:2

बतिस्मो देबावाळो यहुन्ने जेळ में मसी का कामाँ को हमच्यार हामळन आपणाँ चेला ने वाँकाऊँ ओ पूँछबा खन्दायो के,

मत्ती 14:6

पण जद्याँ राजा हेरोदेस को जनम को दन आयो, तो हेरोदियास की छोरी मेमाना का हामे नाच बतान राजा हेरोदेस ने घणो राजी किदो।

मत्ती 4:12

जद्याँ ईसू हुण्यो के, यहुन्नो पकड़ाग्यो हे, तो वो गलील में परदेस परोग्यो।

मरकुस 6:14

राजा हेरोदेस ने आ बात को पतो लागग्यो काँके, ईसू को नाम हंगळी जगाँ फेलग्यो हे। कुई मनक तो केरिया हा, “बतिस्मा देबावाळो यहुन्नो मरिया तका मूँ पाछो जीवतो वेग्यो हे। ईं वाते वींमें ईं सगत्याँ चमत्कार कररी हे।”

मरकुस 6:17

काँके हेरोदेस खुदईस यहुन्ना ने बन्दी बणाबा अन जेळ में नाकबा को आदेस दिदो हो। वणी आपणाँ भई फिलिपुस की लुगई हेरोदियासऊँ ब्याव कर लिदो हो, ईं वाते वणी अस्यो किदो।

मरकुस 6:19

ईं बात पे हेरोदियास वींऊँ दसमणी राकबा लागी अन वाँ यो छाती ही के, वींने मरवा नाकूँ। पण, वाँ हेरोदेस का मस अस्यो ने कर सकी।

मरकुस 6:22

तद्याँ हेरोदियास की छोरी मयने जान असी नाची के वटे जीमण में आया तका हंगळा मेमाना अन हेरोदेस ने घणा राजी किदा। ईं बात पे राजा हेरोदेस वीं छोरी ने क्यो, “थूँ माँग, ज्यो भी चीज थारे छावे, मूँ थने देऊँ।”

मरकुस 8:15

ईसू वाँने चेतावणी देन क्यो, “फरीसियाँ अन हेरोदेस का हाज्याऊँ बंचन रिज्यो।”

लूका 13:1

वीं दाण थोड़ाक मनक ईसू का कने आया अन वाँने केवा लागा के, जद्याँ थोड़ाक गलीली मनक बली चड़ारिया हा, वीं दाण पिलातुस वाँने मारवा नाक्या अन वाँको लुई वाँकी बली मेंईस मला दिदो।

लूका 13:31

वणीस दाण कुई फरीसी आया अन वणा ईसुऊँ क्यो, “अटूऊँ परा जावो, काँके हेरोदेस थाँने मारणो छारियो हे।”

लूका 23:11

तद्याँ दरबार हेरोदेस आपणाँ सपायाँ का हाते मलन बुरा वेवार करन वींकी रोळ किदी अन वींने जामूणिया रंग का गाबा पेरान वींने पिलातुस का नके पाछो खन्दा दिदो।

लूका 23:7

अन ओ जाणन के, ईसू हेरोदेस का राज का हे, तो वाँने हेरोदेस का नके खन्दा दिदो। वणा दनाँ में हेरोदेस भी यरूसलेम में हो।

लूका 3:1

दरबार केसर तिबिरियस का राज को पन्दरवा वर में पुन्तियुस पिलातुस यहूदा परदेस को राजपाल हो। हेरोदेस गलील परदेस को हाकम हो। अन वींको भई फिलिपुस इतुरिया अन त्रखोनितिस परदेस को हाकम हो अन लिसानियास अबिलेने परदेस को हाकम हो।

लूका 8:3

अन हेरोदेस का दरबार का एक अदिकारी खुजा की लुगई योअन्ना अन सुसन्ना अन घणी हारी दूजी लुगायाँ ही। ईं आपणी धन-दोलतऊँ ईसू अन वाँका चेला की सेवा-चाकरी करती ही।

थरप्या तका का काम 12:1

ईं टेम में राजा हेरोदेस मण्डली का कुई विस्वासी लोगाँ ने हताणो सरू कर दिदो हो।

थरप्या तका का काम 4:27

काँके हाँचई में, थाँका पुवितर दास ईसू, जिंको थाँ राजतलक किदो। वींका विरोद में हेरोदेस अन पिलातुस, ज्यो यहूदी ने हा अन इजराएल्याँ की लारे वेन ईं नगर में भेळा व्या।