मत्ती 13:23 - नुवो नेम (मेवड़ी नया नियम)

²³ ज्यो बीज हव जगाँ में बोयो ग्या वीं खुब फळ लाया वीं वणा मनकाँ का जस्यान हे ज्यो हो गुणा, हाठ गुणा, अन कटे तीस गुणा फळ लावे।”

मत्ती 13:23 Iomraidhean Croise

मत्ती 12:33

“यद्याँ थाँ हव फळ पाणा छारिया हो तो थाँने एक हव रूँकड़ो लगाणो पड़ी अन बुरा रूँकड़ा लगावो तो बुरा फळइस पावो, काँके रूँकड़ो आपणाँ फळऊँ ओळक्यो जावे हे।

मत्ती 13:8

पण थोड़ाक हव जमीं पे पड़या, अन हेली हाँक पेदा किदी, कटे हो गुणी, हाठ गुणी, अन कटे तीस गुणी हाँक।”

मत्ती 3:10

अबे रूँकड़ा की जड़ा में कराड़ो मेल दिदो ग्यो हे अन ज्यो हव फल ने देवे हे वाँने काट दिदा जाई।

मत्ती 3:8

थाँने ईं बात को परमाण देणो पड़ी के, हाचेई थाँका मन बदल्या हे के कोयने।

मरकुस 10:15

मूँ थाँने सई केऊँ हूँ के, ज्यो कुई परमेसर का राज ने एक फोरा बाळक जस्यान ने माने, वो वींमें कदी ने जा सकी।”

मरकुस 4:20

अन कुई मनक तो हव गारा का जस्यान हे जटे बीज बोयो जावे हे, वीं सन्देसा ने हुणे अन मन में उतारे, ईं वाते वीं फळ लावे, ज्यो कटे तीस गुणा, कटे हाठ गुणा अन कटे हो गुणाऊँ भी हेला फळ लावे।”

लूका 13:9

ईंका केड़े भी आबावाळा साल में फळ ने लागे, तो ईंने परो काट नाकज्ये।’”

लूका 8:15

पण हव जगाँ वाया तका बीज वी मनक का जस्यान हे, जी बचन हुणे वी आपणाँ हव अन हाँचा मन में हमाळी राके अन हमेस्यान वींके जस्यानीस चालन वी हव फळ लावे हे।

लूका 8:8

अन थोड़ाक बीज हव जगाँ में पड़्या, अन वीं उग्या अन हो गुणा फळ लाया।” यो केन वणा ज्योरऊँ क्यो, “जिंके हुणबा का वाते कान्दड़ा हे, वीं हुणे।”

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 8:47

ज्यो परमेसर को हे, वो परमेसर की बाताँ हुणे हे। थाँ ईं वाते ने हुणो हो, काँके थाँ परमेसर का ने हो।”

थरप्या तका का काम 16:14

वटे लुदिया नाम की एक लुगई ही, जो थुआतीरा नगर की ही, ज्या रेसम का गाबा बेंचती अन भगती करबावाळी ही। परमेसर वींका मन में आ बात नाकी के, वा पोलुस की बाताँ ने ध्यानऊँ हुणे।

थरप्या तका का काम 17:11

बिरिया का लोग थिसलुनीके का लोगाऊँ खुला मन का हा। आपणो मन लगान बचन हूणता हा अन हरेक दन पुवितर सास्तर में होदता के, जो भी पोलुस केरियो हे, वो हे के ने हे।

2 कुरिन्थियों 9:10

परमेसरइस बीज बावावाळा ने बीज अन खाणो खाबावाळा ने रोटी देवे हे। वींइस थाँने बीज देई अन वींइस मोटा करी, वाँकाऊँईस थाँकी धरम की खेती फलती-फुलती रेई।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

फिलिपियों 4:17

ओ ने के, मूँ दानकी आस राकूँ हूँ, पण मूँ ओ छावूँ हूँ के, थाँका खाता में आसीस जुड़तो जावे।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

इब्रानियों 4:2

काँके आपाँने वाँके जस्यानीस हव हमच्यार हुणायो ग्यो हे, पण हुण्या तका बचनऊँ वाँने कई नफो ने व्यो, काँके वीं हूणबावाळा वींने विस्वास के हाते ने हुण्यो हो।

इब्रानियों 6:7

काँके वाँ जगाँ काँटा अन चारो पेदा करे हे तो बेकार हे अन वींने हराप दिदो जाबावाळो हे। आकरी में वींने बाळ दिदी जावे हे। पण परमेसर वीं जगाँ ने आसीस देवे हे ज्या बरका का पाणी ने सोक लेवे हे अन हाकबावाळा करसाण का नफा का वाते हव हाक पेदा करे हे।

इब्रानियों 8:10

अबे परबू केवे हे के, ज्यो करार मूँ इजराएल का घराणाऊँ करूँ। अन ईंका केड़े परबू घोसणा करे हे, वाँके मन में आपणाँ नेम नाकूँ, वाँके काळजा पे मूँ वाँने लिक देऊँ। मूँ वाँको परमेसर वेवूँ अन वीं मारा मनक वेई।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।