मत्ती 12:32 - नुवो नेम (मेवड़ी नया नियम)

³² ज्यो कुई मनक का पूत का विरोद में कई भलो-बुरो बात केई, वींको ओ गुनो परमेसर माप कर सके हे, पण ज्यो कुई पुवितर आत्मा का विरोद में कई केई, वाँको यो गुना ने तो ईं जुग में अन नेई आबावाळा जुग में माप किदो जाई।

मत्ती 12:32 Iomraidhean Croise

मत्ती 11:19

पछे मनक को पूत दूजाँ का जस्यान खातो-पितो आयो अन वीं केवे हे के देको, ‘यो खवगड़्यो अन दारुड़्यो हे, कर लेबावाळा को अन पाप्याँ को गोटी हे।’ पण परमेसर का ग्यान पे चालबावाळा आपणाँ करमाऊँ वींको ग्यान हाँचो साबत वेवे हे।”

मत्ती 12:31

ईं वाते मूँ थाँकाऊँ कूँ हूँ के, मनक का हाराई पाप अन मुण्डाऊँ किदी तकी बुरई माप किदी जाई, पण पुवितर आत्मा की बुरई कदीई माप ने किदी जई।

मत्ती 12:8

काँके मनक को पूत तो आराम का दन को भी परबू हे।”

मत्ती 13:22

ज्यो बीज झाड़क्याँ में वाया ग्या, वीं वणा मनकाँ का जस्यान हे, ज्यो परमेसर का बचन ने हुणे हे, पण ईं दनियाँ की चन्ता अन धन-माया को लोब-लाळच वाँने परमेसर को बचन भुलई दे के, परमेसर वाँकाऊँ कई छावे हे अन वो फळ ने लावे।

मत्ती 13:39

जीं दसमण वो बीज बोयो हे वो सेतान हे। हाँक काटबा की टेम दनियाँ को अन्त हे अन हाँक काटबावाळा हरग-दुत हे।

मत्ती 13:40

जस्यान चारो भेळा किदो जावे हे अन वादी में बाळयो जावे हे। वस्यानीस ईं दनियाँ का अन्त का टेम में वेई।

मत्ती 13:55

कई यो हुतार को छोरो तो कोयने? कई ईंकी बई को नाम मरियम अन ईंका भायाँ का नाम याकूब, युसुप, समोन अन यहूदो ने हे?

मत्ती 8:20

ईसू वींकी बात हुणन क्यो, “हिवाळ्या के, तो खोकल वेवे हे अन आकास का जनावराँ का वाते गवाळा वेवे हे पण मनक का पूत का वाते मातो ढाँकबा का वाते भी जगाँ ने हे।”

मरकुस 10:30

वींने ईं जमारा मेंऊँ हो गुणा हेला घर-बार, भई-बेन, बई, छोरा-छोरी अन खेत-कूड़ा ने मली, पण हताव का हाते आबावाळा जमाना में अनंत जीवन मली।

मरकुस 3:28

“मूँ थाँने सई केवूँ, मनक ने हर बात पे मापी मल सके हे, ज्यो वाँका पाप अन परमेसर की नन्दयाँ ज्यो वीं करे, माप किदी जा सके हे।

मरकुस 3:29

पण, पुवितर आत्मा की कुई नन्दयाँ करे, तो वींने मापी कदी ने मल सके, काँके वो पाप अनंतकाल तईं बण्यो रेई।”

लूका 12:10

ज्यो कुई मूँ मनक का पूत का विरोद में कई गलती करी, वींकी गलती माप किदी जाई, पण ज्यो कुई पुवितर आत्मा का विरोद में कई गलती करी, तो वींने कदी माप ने किदो जाई।

लूका 16:8

वणी मालिक वणी अधरमी मुनीम ने सेबासी दिदी, काँके वणी चालाकीऊँ काम किदो हे, अणी दनियाँ का लोग-बाग परमेसर का मनकाँ का वेवारऊँ घणाई चतूर हे।”

लूका 18:30

वो अणी टेम में अणा हारईऊँ हेला पाई अन हातेई हाते आबावाळा परमेसर का राज में अनंत जीवन पाई।”

लूका 23:34

जद्याँ ईसू बोल्या, “ओ बापू, अणाने माप कर दो, काँके ईं लोग ने जाणे हे के, ईं कई कररिया हे।” पसे सपायाँ कागद की गोट्याँ नाकन वाँका गाबा बाँट लिदा।

लूका 7:34

पसे मूँ मनक को पूत खातो-पितो आयो तो, थाँ केरिया हो, ‘देको यो खवगड़्यो अन पीबावाळो मनक हे। अन लगान लेबावाळा अन पाप्याँ को हण्डाळ्यो हे।’

यहुन्ना 7:12

ईसू का बारा में लोगाँ में छाने-छाने घणी बाताँ वी। कतराई तो केता हाँ, “वो भलो मनक हे।” अन दूजाँ केता हा के, “ने, वो तो लोगाँ ने भरमावे हे।”

यहुन्ना 7:39

ईसू या बात पुवितर आत्मा का बारा में किदी ही, ज्या वींपे विस्वास करबावाळा ने मलबावाळी ही। अबाणू तईं या आत्मा किंने भी ने मली ही, काँके ईसू आलतरे आपणी मेमा उटाया ने ग्या हा।

यहुन्ना 7:52

वणा वींने जवाब दिदो, “कई थूँ भी गलील को हे? सास्तर में देक अन होद के, गलीलऊँ कुई भी परमेसर का आड़ीऊँ बोलबावाळो परगट ने वेबावाळो हे।”

थरप्या तका का काम 3:19

ईं वाते थाँ आपणो मन बदलो अन परमेसर का दयने आ जावो, ताँके परमेसर थाँका पापाँ ने माप करे

इपिसियों 1:21

मसी वटे हारई मोटा राजा, अदिकारियाँ, आत्मिक सगत्याँ, मालिकाँ पे बेस अणी जुग में ने पण आबावाळा जुग में भी हाराई पद का ऊपरे राज करी।

1 तिमुतियूस 1:13

पेल्याँ मूँ परमेसर का बारामें बुरो बोलबावाळो, वींका मनकाँ ने हताबावाळो अन वाँकी मजाक करबावाळो मनक हो। ईंका केड़े भी मारा पे दया वी, काँके एक बना विस्वासवाळा का जस्यान अणजाण में ईं हाराई में काम किदा हा।

1 तिमुतियूस 1:15

आ बात हरेक तरियाऊँ हाँची हे अन मानबा जोगी हे के, ईसू मसी ईं दनियाँ में पाप्याँ ने बंचाबा का वाते आया हा, जणामें हाराऊँ मोटो पापी मूँ हूँ।

1 तिमुतियूस 4:8

देह की सेवाऊँ तो थोड़ोक नफो वेवे, पण परमेसर की सेवा तो हारी बाताँ में नफो करे हे, काँके अबाणू अन आबावाळा जीवन को वादो ईंमेंइस हे।

1 तिमुतियूस 6:17

जतरा मनक ईं धरती पे रिप्यावाळा हे वाँने आग्या दे के, वीं ईंपे मेपणो ने करे, पण वाँकी आस ईं नास वेबावाळा चिजाँ की बजाय परमेसर पे वेवे, ज्यो आपाँने आपणाँ आणन्द का वाते हारी चिजाँ देवे हे।

2 तिमुतियूस 4:10

काँके देमास तो ईं दनियादारी का मो-माया में पड़न मने छोड़न थिस्सुलुनिक्यों नगर परोग्यो हे। क्रेसकेस गलातिया नगर में अन तीतूस दलमतिया नगर में परोग्यो हे।

तीतूस 2:12

या करपा आपाँने हिकावे हे के, आपीं बना भगती अन दनियादारी की मरजीऊँ फरन अणी दनियाँ में खुद पे काबू राकबावाळा, धरमी अन भगती-भावऊँ जीवन जीवा।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।