मत्ती 11:29 - नुवो नेम (मेवड़ी नया नियम)

²⁹ मारो जूँड़ो आपणाँ खादा पे जोत लो अन माराऊँ हिको, काँके मूँ हुदो हूँ अन मारो मन दयाऊँ भरियो तको हे अन थाँने भी आपणाँ मन में आराम मली,

मत्ती 11:29 Iomraidhean Croise

मत्ती 17:5

वो बोलईस रियो हो के, एक चमकते तके वादळे वाँने ढाक दिदा, अन वीं वादळाऊँ आ वाणी निकळी, “ओ मारो लाड़लो पूत हे, जणीऊँ मूँ राजी हूँ। ईंकी हुणो।”

मत्ती 21:5

“सिय्योन की छोरीऊँ केवो, ‘देक, थारो राजो थाँका नके आवे हे। वो भलो हे अन गदेड़ी पे बेटो तको हे वो गदेड़ी का बाछरा पे बेटो हे।’”

मत्ती 28:20

अन वाँने हारी बाताँ ज्यो में थाँने क्यो हो, वाँने मानबा हिकावो। आद राकज्यो, मूँ दनियाँ का अंत तईं हमेस्यान थाँका हाते हूँ।”

मत्ती 7:24

“ईं वाते ज्यो कुई मारी ईं बाताँ हुणन वाँने माने हे, वो वीं अकलवाळा मनक जस्यान वेई जणी आपणो घर छाँट पे बणायो।

लूका 8:35

अन लोग-बाग ज्यो व्यो हो वींने देकबा वाते आया, अन ईसू का नके आन वणी मनकऊँ हुगली आत्मा निकळी ही, वींने ईसू जी का चरणा बेट्यो तको अन वणी मनक गाबा पेरिया तका हा अन वींको दिमाग सई वेग्यो हो। यो देकन वीं मनक दरपग्या।

यहुन्ना 13:15

काँके में थाँने नमुनो बता दिदो हे के, जस्यान में थाँका हाते किदो हे, थें भी वस्यानीस करता रेवो।

यहुन्ना 13:17

अबे थाँ यो हाँच जाणग्यो हो अन यद्याँ थाँ अस्यान करो तो परमेसर थाँने आसीस देई।

थरप्या तका का काम 7:37

अन वणीस मूसे इजराएल का लोगाऊँ क्यो हो, ‘परमेसर थाँ यहूदी भई-बन्दाऊँ थाँका वाते मारा जस्यो एक परमेसर का आड़ीऊँ बोलबावाळो खन्दाई।’

1 कुरिन्थियों 9:21

ज्यो यहूदी ने हा वाँने ईसू में बंचाबा का वाते मूँ वाँके जस्यान बण्यो वो भी नेमा का विरोद में, ईंको यो मतलब ने की मूँ परमेसर का नेमाने ने मानूँ हूँ, पण मूँ तो मसी का नेमा के जस्यान जीवूँ हूँ।

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 10:5

अन माँ वणा ओजाराँऊँ लोगाँ का गुमानऊँ भरिया तका सवाला अन बाताँ ने ज्यो परमेसर का ग्यान का विरोद में वेवे हे, वाँने बंस में करन मसी की आग्या में लावाँ हाँ।

फिलिपियों 2:5

थाँको होच-बच्यार ईसू मसी के जस्यान वेणो छावे।

1 थिस्सुलुनिक्यों 4:2

काँके थाँ वणा आग्या ने जाणो हो ज्याँने माँ थाँने परबू ईसू का आड़ीऊँ दिदी ही।

2 थिस्सुलुनिक्यों 1:8

अन जतरा परमेसर ने ने जाणे अन आपणाँ परबू ईसू का हव-हमच्यार ने ने मानी वाँने दण्ड दिदो जाई।

इब्रानियों 5:9

अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो।

1 यहुन्ना 2:6

ज्यो कुई भी मनक ओ केवे हे के, वो परमेसर में पाको हे, तद्याँ वींने ईसू मसी का जस्यान जीवन जीवणो छावे।